DAY 7B-茨城東北8天-18年10月20日-宮城藏王狐狸村

未入去先嚇你, 後果自負~  

藏王狐狸村其實都好出名, 好多時都係出冬天雪景相~ 睇落好浪慢咁!

入場費每人1000YEN～ 好嚴格要你睇清楚注意事項，同要注意唔好背住狐狸！
入到園就見到佢成班人排晒隊比人縛住咁~哈哈~  其實佢地等緊抱狐狸同狐狸影相

向北海道都見過狐狸，呢到D狐狸好大隻好似無咁得意，仲好似古惑D

幾大隻⋯⋯

由於佢地數目都幾多，成個狐狸園都好大陣臭味，係真係堅嗅

兔仔天地

佢地好肥羅

古惑白狐狸～ 𥄫實我！白色就得意D

呢隻我就唔知叫咩

最意外見到佢地～ 好得意！仲白雪雪～ 「咩咩咩」

佢地開始一個個影相啦

其實仲有影左其他，不過唔係啡色狐狸好多都向圍籠入面，影埋佢就走人啦！

呢到D野都貴過北海道～ 睇睇就算！

本來打算去仙台海鮮市場到行個圈，不過食完早餐好飽，就行高速直落福島，12點幾去到
高速休息站安達太良サービスエリア 

有野食！好吸引～ 睇下有咩好食先！

嘩～ 又見到米沢牛～ 食返串先

930YEN咖～

第一舊係最好食！！！之後就瘦D無咁淋！但都好食～

食完牛串見到佢地又心思思～ 要食返個！

300YEN～米沢牛可樂餅～ 唔會唔好食！食飽繼續走走走啦！