Q! 小姐飲飲食食遊記+港女自駕遊~: 第三天06年6月16日首爾5日4夜之旅

今日7點鍾就起身啦~ 今日第一站會去~ 景福宮~ 但首先我地會去食早餐...
呢餐早餐跟團包既~話就話自助...但基本上都無咩好食~完全唔好食!! 飲下海帶湯咪算羅!!

本來我唔想去景福宮咖...不過見向土俗村人參雞附近先跟埋團一齊去...!

行完景福宮成十點半了... 向入面影左一張團體相...唔係用我個部影所以無得睇啦~
之後話去青瓦台咁都去埋啦~ 因我睇緊套韓劇 [真的真的喜歡你] 係向入面拍...
我好歡天喜地以為可以入去參觀下...
點知只係會向出面好遠見到青瓦台...影張相咁羅...激死我了...

睇韓劇見到既總統府...

10點10我就離開團友自由行啦~ 問左導遊人參雞位置就行去啦~

行左成10分鐘到應該係個附近...但搵唔到... 行左落地鐵口又見到個指示牌~當行上去既時候有個韓國婆婆用日文同我講野問我係唔係日本人啦...基本日文我都識答同聽既~ 用好簡單既日文同佢溝通!佢就話跟住佢行帶我去啦~ 一路行一路傾下計~ 婆婆話D人參雞好好食咖~ 行左一陣就到啦~ 原來要向街口轉入去...我直行行過見唔到~ 到左之後就多謝婆婆~同佢BYEBYE~啦~

去到門口果然好多人排隊! 好多韓國人來食咖~

我排左15分鐘入到去啦~

入面都幾多位~ 但都坐滿晒人~ 果然係總統都話好食既人參雞呀!

叫好左人參雞後就羅左D kimchi來啦~ 見有d網友話佢d kimchi 好好食~ 就試下啦~
菜kimchi 好辣又唔係好咸...好食過平時個d既...個蘿白kimchi 就好好食啦~

人參酒

不過食得多好辣~好在佢有凍麥茶比你任飲...等個參雞都等成20分鐘呀...

其間都飲左2,3杯麥荼...忍唔住食d kimchi ...但又好辣wor...哈哈!!

終於有得食主菜啦~ 真係成隻雞咖~ 支人參都好大支咖~ 飲左一淡湯先~ 唔肥~幾濃味~幾好飲咖~ d雞肉又唔鞋~... 我未食過其他人參雞...但起碼唔會好似人地話跟團個d無呢味道先啦!! 飲左一半湯食左大部份雞肉...先知入面有糯米...唔知係唔係整左d糯米出來d湯就膠膠地...食左大半已經好飽啦~ d糯米無食到就走lu! 今餐係12000won 都唔係好貴啦~

食飽飽就行去搭地鐵啦~ 上網見人講到好似好難都有d擔心咖~ 第一次搭就要去買ticket 啦~ 我既目的地係仁寺洞~ 好易就買到~ 入到去地鐵入面都唔難搵到既! 你要搭邊面~ 對岩個英文站拼音就ok啦~

去到仁待洞都幾多人咖~ 但我都幾失望羅...d野完全唔岩我... 向我既角度唔來呢到係唔會有損失咖...間間賣d野都差唔多...上網有人講好有特色...一定要來...真係唔覺羅...行到2點2就走啦~ 出發去明洞shopping了!!

仁寺洞最開心就係食左呢支蜜瓜雪條~ 勁好味~ 又平~ 500won!!

去到明洞果然好多人呀!! 好多舖頭~ 間間都入去睇下~ 不過多數都係試下d護膚品~ 試下d指甲油~ 袋呀鞋呀睇唔岩...入到d舖頭大部份都同我講日文羅...又問係唔係日本人...但向明洞又真係幾多日本旅客既~ 行街中途搵極都搵唔到一間舖...有個日本留學生主動教我路~ 識少少日文真係唔錯~ 向到都買左不少戰利品咖~