第五天06年6月18日首爾5日4夜之旅

今日係最後一日啦~ 7點起身~8點要集合~ 推好晒d行理落去啦~ 

各位團友見到我都好關心我呢兩日去左邊啦!

之後搭車去食早餐啦~  十個難食~ 仲有水餃...食得落口...但無影到相... 大家好快食完呢餐唔好食既早餐啦~

食飽飽後以為咁早就去明洞...呀導遊就帶左我地去清溪川同韓流館...

呢到都幾靚~ 城市入面有條溪向到~

個韓流館完全唔掂...唔知開來做咩...放幾個紙牌就話韓流館...真係...

三星大廈
10點10就到左明洞... 個到咁早梗係無夜晚咁熱鬧啦~

一去到就見到個長雪糕~ 1000won! 去台灣無食到~向韓國食返~
食完跟大隊行左陣就自由活動啦~ 我又係同返兩母女團友一齊行~
由於前兩日都行得七七八八~ 咁我就陪佢地行~ 等佢地肚餓去食野啦~ 哈哈!!
今日都有買下指甲油既~行到12點佢地都唔係太餓~但我就好肚餓了~ 咁就去左食明洞餃子啦~
都幾多人咖~ 要排隊~ 排左幾分鐘到啦~

 

明洞餃子 6000won  冷麵 6000won

個明洞餃子我就覺得好好食啦~ 睇落似小籠飽~ 食落去無湯咖~ 

但勁大舊肉~  好好食咖~ [有d人就唔鐘意食~ ]

個冷麵就好幼好滑~ 唔會好辣~好開胃~ 今餐有得share只需4000won~ 好抵!

食飽飽行多陣街~ 就最後搵下仲有無咩野未食~ 因夠鐘集合lu!

1000won

食埋個波羅就去左集合啦~

下一個目的地係去買手信...要搭成個鐘車咖~ 途中向車到買返d相~ 比埋導遊費~ 影下相咁~ 大家講過不停~ 呀領隊仲唱左隻歌tim! 哈哈!!

沿途風景~

3點二就去到手信場啦~ 入面d野貴到呢... 同我向lotte mart既價錢係差4-5倍...我入到去就係咁試食d米通~ 任食唔嬲~ 食左好多!! 哈哈!! 跟住八下d團友買咩啦~呢團d團友真係真有錢...明知貴都係咁買...我搭單買左兩包人參味米通做手信啦~買左盒蘿白kimchi... 呢兩樣個價我都仲接受到既!

大家買好野~ 就出發去機場啦~ 個手信點同機場十分鐘車程 ja..

4點1就到左機場啦~

 

 

 回程行理~今次個o急 細d!~  唔係就可以買多d野食~

 check in 好晒 就可以入閘啦~ 同影相哥哥和導遊byebye後~ 我就同左另一家人一齊去食野啦~

揀左好耐我同人地個仔去左食石頭窩飯~ 佢同我差唔多大好快就熟左了~

我地兩個都叫左呢個飯~ 唔平咖~ 12000won!! but last一餐就無所謂啦~ 
來到韓國唔計跟團好難食個石頭窩飯都無食過!  呢個好好食咖~ 又熱~ 
食飽飽就陪人地d呀媽呀叔...表弟食subway...

食完都差不多夠鐘就去等上機啦~

上到機...得我一個坐到好遠羅~ 成團人都差不多坐埋人齊...後來同左位小姐轉位~ 我就同一家人坐啦~

起飛無幾耐就又食啦...

其實我都仲好飽羅... 但人地個仔話已經餓啦...[食完個石頭窩飯唔係好耐...] 
我食左個飽d飯食左少少~ 沙律同甜品比左佢食啦~

食飽飽就睇下佢地d相~ 玩下啤牌好快就到香港了~

5日4夜旅程完成左啦~

韓國都幾好呀~ 6月去都唔算熱~ d人都幾好~ 我會再去過咖~