第三天07年3月17日 台灣大飲大食睇書自由行!

今日成一點幾先識起身... 真係來訓咁羅~~ 哈哈!!

整好晒野我地就搭的士去西門町啦~ 準備去食鴨肉扁~ 但經過書介紹既芋頭冰咁就當然食左先啦!!

佢個樣我就覺得唔係太吸引! 但係食落好甜~ 好綿下咖~ D芋頭十分之甜~ 兩個人食都夠了~ TW$72

食完冰冰就去食鴨肉扁 叫左TW$300大份~ 加一人一米粉TW$50! 
但今次個鴨肉扁無咩味道! 我地兩個都覺得上年好食D! 有D失望 TIM!!

食完後就順手食埋阿宗米線啦~長年都係咁多人! 
TW$45 味道都係差不多食下就算啦~食完真係十個飽了!!

食完太飽我地就要去行下啦~ 我地去左光華買漫畫~ 
由於兩人都有收獲~ 好重下咁就返酒店放低D書又出去啦~

我地今次係向酒店行出去西門町~ 完來都唔係好遠咖咋~ 同我上次行去一樂園差不多!

行到西門町順手見到BIRKENSTOCK !! 入去睇下有無新款~買左對新拖鞋! GOOD!

之後行左陣西門町~ 又買左個雞塊食~ 上次來都見...無食到~ 今次食返~OK WOR! 同豪大大雞排一樣味! 

 

TW$50~ 去搭捷運時買左盒木瓜奶~TW$30 好飲呀~

跟住我地去左東區SOGO行啦~ 佢開左新館我地當然要行下啦~ 
行到8點10我地就行去誠品~睇下佢收幾點啦~

去到誠品問下先知佢係24小時~ 上年來過但係下午呀MA! 咁我地就去食晚飯啦~ 去青葉食飯~

點解會來呢到食~ 因朋友仔上次食過話好好食~ 好想食多次~ 咁我地就食啦~ 

不過佢食個間係本店! 呢間係靚D既分店! D野無咁好食啦! 不過就真係裝修靚羅!

終於食到地瓜粥啦~ 一人TW$35任食啦~ 今餐又唔係好差既! 普通羅! 一人食左TW$415

食完太飽了! 我地就行返去誠品

 行左4個字到啦~ 消化下!!

行到誠品~今日係星期六~ 出面好多人擺檔賣野~ 好熱鬧~ 由於我地興趣不太~ 都係入去睇書啦~

我地10點半開始睇書! 我就主攻旅遊書! 基本上英國/巴黎既中文書我都睇晒啦! 但D旅遊書真係一本都無折羅!! 所以有D重要資料我係用相機影低左~ 哈哈! 有D真係鐘意就返HK買! 有7折呀MA~

睇到兩點半~ 我有D想食野~ 就向誠品個 COFFE SHOP 食D野啦~ 佢D野都幾好食~ 唔錯~ 一人食左TW$240

食完又睇 ~因為朋友仔本書未睇完~ 大家又唔眼訓~ 咁我就去揾書睇啦~

見到達文西作者單布朗出左新書! 大騙局! 咁就當然唔可以放過啦~

個故事講咩就留比大家睇啦~ 一路睇一路緊張~ 睇左25章~ 時間都真係唔早啦~ 返酒店啦! 

第三日戰利品!

D漫畫一本HK$17到...比HK正價平$11一本!! 都好多下啦~ 唔係二手係全新咖~

向光華都買左張 2GB SD卡 HK$131 想買4GB 但4GB 貴勁多! [要去英法影勁多相!!!]

仲有對新拖鞋TW$1580~

今日都用左好多錢了~~

我地應該成5點先訓啦!