第十二天-上- 08年4月18日關西中國四國九州

執齊野就落樓下比錢啦! 民宿有隻班點狗~ 都好大隻咖!

要等一陣先見到民宿太太來收錢一晚 4100YEN 好平呀~又乾淨!

大家都無散紙下收平左我 50YEN...4050YEN 一晚~ 真係唔好意思~

一條斜路就行到落去~ 去崎之湯都係呢條路!

崎之湯8AM先開唔係都好想去浸多次~

唔知點解會有個像羅...

遠望白濱沙灘~ 希望有機會好天來多次啦!

未夠鐘有巴士...想搵野食下都無...

去到 JR 白濱 見對面有餐廳但時間唔係好多...

本來只係叫拉麵...諗住快呀MA! 點知佢寫左拉麵SET...我等左好耐!!

等到得返15分鐘想走啦...佢就來左...佢要等埋一齊上...見佢都煮左就算啦...

10分鐘我食完呢兩樣野真係...拉麵都係間間差不多啦~

雞肉蛋飯就好滑好熱~ 好甜~ 我都好鐘意食...但如果唔係咁趕下會好D!

飯食左大半碗食晒D餸就趕住走啦! 埋單 1100YEN! 火車唔等人!

今日目的地要去新大板轉 JR

行去轉車時見到泡芙呀~ 士多啤梨期間限定 160YEN 好好食WOR~

仲有幾分鐘有車啦~

去到 JR奈良又落雨啦~ OH NO! 搵LOCKER放好野 300YEN

就搵巴士去東大寺啦! 一程 180YEN

行幾步就見到鹿鹿啦~ 嘩! 比起宮島D鹿佢地真係好肥好大隻呀!

佢地一定係牛扮既鹿...大隻得佢呀!

第一時間買個鹿煎餅先~ 150YEN

D鹿真係好為食...你一羅住煎餅佢就狂跟住你! 成條街既鹿向到等食!

佢地D角3月時比人剪左~ 好難得有隻鹿角咁完整!

要比野佢食先可以咁乖企向到影相~ 隻角圍晒邊咁~ 好假呀~

個日好多人~ 好多學校旅行~ 中學, 小學加遊客~ D鹿想瘦都難!

玩完鹿就去東大寺啦~ 500YEN

天陰陰櫻花都唔靚啦!

有人對比就覺得東大寺好高啦! 全木制造~

一入門就係大佛~ 後門就金光閃閃!

隔離仲有個觀音!

D模型做得好精美~

行個圈其實都走得啦...

都有小小櫻花~

無處不在的大鹿小鹿~

之後行去奈良公園搵日劇出現過既地方啦!

大家有睇鹿男嗎? 呢到有拍過咖!

見唔見到D霧? 幾神秘~ 哈

幾迷幻~ D霧飛晒出來!

行到好遠~ 呢到D鹿瘦D啦! 佢地好努力向地下不停搵野食!