DAY 7B-英冰荷極光之旅16天-19年2月8日-3遇北極光～ Hvolsvöllur The Garage

1小時有多我哋就返到冰河湖，昨天兩位老嬸嬸冇落車今日佢哋都冇打算落車

佢哋話響架車咪睇到囉～ 咁好啦我哋繼續響今晚住宿出發！
由於之後嘅路程實在太恐怖⋯⋯車上冇人影過相⋯⋯我上網搵左下最接近相片
話說我哋一直都係晴天，治路大風都係吹到架車郁郁地⋯都還好
咁最大風果段路就應該係冰川附近，因果附近D山最多雪，強風係一陣陣

初驚嚇開始係咁上下，唔係超超大風時侯D雪吹起晒都見到兩三個路標，但前面一架車都無

仲要見到有車鏟左出去要等人救，過左路標就唔係路來咖，唔好諗住揸向側邊等遲D行

 呢個差不多係最差最大風嘅時侯！！！揸到好埋先見到眼前路標⋯前面無車⋯無車尾燈睇
我係打住死火燈行 20-40KM 見到一個路標先再行⋯呢兩段最驚嚇嘅路都最少都有30分鐘以上，之後我追到前面有車後你真係唔知全車嘅人有幾開心！！！
其實我覺得我真係好叻㗎喇！沿途都見有兩三架車要等人救⋯嚴重D反左車向路側
當然我都無本事幫人⋯所以去冰島自駕遊真係要膽大唔驚青先掂

好啦好啦～ 4點半我地都叫路過晒最大風既地方，風當然KEEP 住有，但兩邊無山差好遠

地下風吹雪幾仙景～ 呢段咁靚嘅路都好似有成12公里～

繼續努力

呢到係「 祝好運石頭塔區」 風吹到雪都遮住左D石頭，但都不惜為一張仙景圖

5點1～見到維克黑沙灘果幾舊石啦！！！ 就快有得去洗手間啦！！！

唔好講笑，大家絕對急到爆炸～ 落車即時沖去洗手間先慢慢買野～

你睇下D雪係吹到入鏡

快快手買埋今晚野食走啦～

5點半啦～ 仲有 45公里先到今晚住宿！

呢段路入去維克嘅時侯都大風大雪～ 依家走時幾靚！ 再見維克啦～

  GO～ GO～ GO～

比起剛剛絕對唔會驚啦

6點鬆天黑前去到今晚住宿  The Garage  我係訂左兩間房，去到佢比左間4人套房我地！

都幾大間！有4張床，浴室，廚房，行出去都叫露台⋯⋯或者草地可能好D

草地影返入去～ 有廚房

望出去就係咁啦！ 個天幾清～ 今晚北極光好有希望！

今日食意式雲吞～ 簡單方便！

見有蕃薯仲買埋煲糖水

7點2有得食啦～ 都算幾快

食飽～ 上網～睇點影極光，睇幾點有極光～ 露台門口已見到超級多星星

好啦好啦～ 今日嚇左成日嘅保償出現啦！！！ 9點出現左條長長綠絲帶啦！！！

行出露台就睇到極光～ 即時要同團友影相啦～ 極光又勁左D

自己幫自己影～ YEAH！

每個住宿點解總有個山頭向北

十個開心

影左 4個字見佢都仲勁勁地，今晚無風～就決定同T嬸嬸揸出去睇下邊到空曠D

揸左幾分鐘有個入鎮路口有位就停左⋯唔熟路⋯近近地算⋯但一樣都係有個山～哈哈

不過呢到就望得闊D、睇得廣D

又開始勁啦！今日我有認真學好點SET 時間～ 終於影到跳舞極光

唔揸遠D我都甘心啦～ 呢到都OK啦

今日真係又驚又喜

ZOOM

有輕微紫色

影左 15分鐘開始弱啦～ 返去啦！

10點幾向露台又有出現～ 不過都係弱弱地

就快11點羅～ 星星就影到唔少，今晚4位都心滿意足晒啦！訓得啦～ 冰島極光任務完成晒！