呢個得閒時 UPLOAD 左相就出埋 BLOG 先~ 新年去港島香格里拉住左一晚~ 超級抵~
【牛氣新春Deal】32小時(雙倍升級)至豪華閣山景客房一晚+ 房內自助晚餐 + 自助早餐
昨晚住港麗所以大概1點多去check in，新年我唔相信佢做到32小時住宿，即早上10點CHECK IN
果然去到職員都話要1小時執房，另提議 $500 COUPON 想我地明天提早退房~ (我當然唔制啦)
我話要留守到 6點先走~ 哈哈 之後叫我地上56/F 豪華閣坐下、飲下野等取房！
明天早餐地方
LOUNGE 隨隨便便都係望維港~ 唔錯呀
仲有點心食~ 職員好勤力成日加、成日轉款~ (我同一隻碟羅，唔好以為食左好多)
飲杯 Earl Grey~ TEA 下先！ 都幾香
呢D 係平時唔會買、 唔會整來食...太多牛油向入面~
左面呢個放向雪櫃~ 開出來先知係咩
坐左一小時到問下職員⋯終於有房啦，之前未有晚上堂食時間 (依家改返啦)
50-52樓係新裝修豪華閣樓層，我就係見有得住新裝修先去！
好多嘢食！唔好立亂食~ 樣樣收錢
我覺得最靚係佢
山景房係冇浴缸，要海景房先有~ 佢個花灑超級強勁！勁正
環保啊！一大樽～ 都幾香
電子廁板～ 暖粒粒
實境會靚啲~ 我影得麻麻地...不過失望呢間房無長梳化, 我見官網有的
咖啡、茶堅闊佬...茶包有10包...5款茶
可能之前係一家人住...房內傢俬放得好古怪...寫字枱放向到唔知想點, 間房有3張枱
櫃桶入邊係有提供叉電線、仲有無線叉電！十分好~
迎賓生果都有
昨天我住港麗海景房~ 今日望下有錢人地區都唔錯！仲見到 The Murray Hotel
4點鬆又上56樓啦~
雞尾酒時段~ 有咸有甜都唔錯！
芒果味馬卡龍~ 綠色係鮮蝦三文治， 好味~ 仲有龍蝦卷，都真係有龍蝦肉~
今晚仲有房內晚餐...唔好食咁多啦！
今晚包嘅房內自助餐 ORDER 8點食~ 佢都係遲左 20MINS OK LA~ 我都唔趕住食~ 哈
甜品5款!!! Check-in 時我有叫佢麵、飯、pizza 唔好送來，唔好浪費！點知佢都係送晒來
呢張枱本身唔係呢間房, 應係之前臨時加！自己擺靚佢開餐~
餐車入面係熱~ 所以飲佢時都仲係熱！
食三文魚已經係暖暖地~ 唔會太老~ 都唔錯
羊架都OK~ 意粉凍左就唔好食
咖哩雞佢又真係得雞肉...薯仔都無粒...右面係俄羅斯牛柳~ 普通啦! 因為已經變左常溫
向房食唔係唔好...食食下又可以攤向床...但問題係越耐越唔熱~
佢架餐車其實入來時係好熱咖~ 但始終無左電加熱食到尾都唔暖！不過都係一個好體驗
有錢人地區~ 電視就真係無咩好睇~ AIRPLAY 試左又唔得...都係用手機睇韓劇啦~
第二朝8點幾就上56樓食早餐~
有客有職員我都費時影相啦~ 自取食物區都好吸引
你食到叫晒都應該得~ 哈哈, 今日推介係法式滑蛋三文治...一諗到佢加好多牛油都係唔好啦！
早餐望住呢個景真係一流！
我向出面見到雙色牛角包!!!超級開心~ 但佢D牛角包真係 FULL SIZE....好大隻
唔好講笑...呢到最少值 $80~ 牛角包真係好味~ 脆咖!!! 入面仲有士多啤梨 CREAM！
但咁大個我都係只可以一人一半...試得一款
日式早餐~ 比左呀媽食
我少飲茶叫左中式~ 弼就真係太大啦~ 奶黃包好食~ 帶子燒賣都唔錯
叉燒包堅爆~
咖啡唔夠熱~ 都係飲茶開心D~
太過份~ 唔食唔得
食埋佢地真係堅飽
我都就快去住半島啦～
金鐘三寶住左第二間啦～
食完早餐我地留向房各有各睇劇集～ 睇小說～ 舒舒服服沖涼好開心！
今日開放返堂食，點心時間提返早4點收，收淨兩樣野食下
之後又返房啦～ 仲睇埋日落
5點半去 LOUNGE 退房~ 仲可以食埋雞尾酒時段先回家~ 食埋唔駛煮飯～
今日有串燒食啦~ 仲有迷你海鮮盒
今日有脆脆燒腩仔~ 仲有得試下大酒店蘿蔔糕~ 牛肉三文治都好味！
努力食啦~
燒腩仔貴呀~ 食多幾舊~ 哈哈
食埋佢地~ 假期完結~ 乖乖地明天又返工
沒有留言:
張貼留言