我地住 31樓
老老實實我今日真係第一次去君悅酒店，會展就真係去過無數咁多次～
君悅酒店都開左成三十年有多～ 當然一定有翻新啦~ 都 KEEP 得幾好！
成間房都好闊落
上網見人話呢到 LOUNGE 唔少野食，所以都唔打算食其他餐廳
有成 6杯咖啡～ 4包茶， 不過 LOUNGE 有開時都任飲~ 仲有人沖比你飲
水都有成4枝
好啦～ 網紅浴室～ 仲唔係靠佢地影寫真
佢隻沖涼用品係法國野⋯⋯但實在太香⋯⋯
外國名牌酒店浴缸夠晒大同深~
影完房就去LOUNGE 轉個圈～ 八下環境！ 31樓接待COUNTER 前面有超多咖啡可自助
WOW～
上多層就 LOUNGE CAFE 有人招呼～ 仲望到維港
叫杯咖啡飲下先～ 幾有 HEART！仲有小小拉花～
12點咁早未有點心食～ 所以真係飲杯咖啡就返房
話咁快就兩點鬆～ TEA TIME LA～
今次飲茶～ 同食少少啦～ 其實都唔太餓
之後 4點前就去排隊游水啦～ 11月仲游係唔係好勇呢～ 因有人數限制先到先得～
所以早DD去排隊～ 未夠鐘入場就去健身室影下相
健身室係無去～ 因為我唔會帶運動鞋
去君悅唔游水真係浪費咖～ 咁大個池～ 好彩果日都唔太凍～ 加上泳池係恆溫～ 水都幾暖下！
好多人都唔係游水～ 我同呀媽都不知游得幾開心～
5點2走啦～ 沖埋涼去 HAPPY HOUR 啦～
灣仔係睇唔到日落～ 比D樓遮住晒～
無人爭~ 輕輕鬆鬆坐到窗口位~ 睇下靚景！
話佢係一個小型自助餐都唔過份
野食算幾精緻咖啦
我好浪費～ 試都無試下
呢D真係請都唔飲
呢杯唔係檸茶來～ 係 WAITER 調比我的無酒精飲品～ 酸酸甜甜咁！
自己羅野食...佢有成條鵝肝醬...好啦今日試下
好新鮮～ 好健康～
佢地任夾咖！一定食得飽～ 哈哈
飲杯茶幫助消化下
仲有甜品～ 生果～ 無可能唔飽
晚上我自己有出去行下~ 呀媽話房間太舒服唔會出去~ 哈哈
早餐又係同一地方
都幾似昨晚小食~ 健康嘛
蛋係可 ORDER 叫佢整
飲返杯伯爵茶先
佢每日都有唔同熱食即叫即做~ 本來都無打算食~ WAITER 推介就試下
仲有我最中意嘅粥~ 餸粥都係我中意嘅野~ 正呀！
蝦餃任食~ 仲提供埋 XO 醬~ 唔知會唔會係昨天飲茶到出品呢~ 哈
食埋佢地真係飽晒~
食飽休息下等夠鐘就去游水~ 因為兩點先退房
今日無咁好陽光~ 游完12點幾返房沖涼羅
君悅酒店 KKDAY 成日都出優惠~ 有機會就住下啦~ 員工同其他各樣都唔錯！
有 LOUNGE 房價 係貴D 但都算對得起個價錢~
沒有留言:
張貼留言