今日下午兩點幾機所以好得閒訓醒沖完涼再執行李，好慳搭A車機場巴
機票5月時換，唔係唔想帶呀媽去，但真係無位換唔到兩個⋯⋯咁唯有我自己去
自從近35號登機閘口逸連堂開返，我覺得呢到好過去 THE PIER
呢到一樣又有西又有中
食個早午餐先
今日位妹妹好有心機咁拉咗個咁靚嘅花，賺左幾十蚊啦
今日真係唔想飽到上機食唔落，我忍住無食到 擔擔麵同雲吞，
不過都食咗個白果腐竹糖水同杏仁豆腐先走
今日18號出 iPhone 18 因醒唔起搶到可以朝頭早去攞機，
先頭放棄左就再搶唔到18號羅機，慳返啲錢下一代先買啦～哈
WELL 我呢半年中意左星星人⋯⋯今次帶佢去旅行做 MODEL
上次去韓國已經係2023年，一次冬天（岩岩終於寫完過期遊記）
一次5月（唔知幾時先寫到佢），之後因為日圓太平，好似都一直去日本咁
飛韓國都有樣好，終於坐到獨立商務位，去日本長期都得舊商務位咁
晴天寶寶去旅行啦
好啦～ 又食！ 八爪魚都OK～ 幾腍同有八爪魚味
預先訂咗呢個慢煮黑毛豬， 上次去日本凌晨機都有訂⋯⋯但太飽同訓咗最終冇食到
呢個伊比利豬真係好好食，有機會記住提早訂餐
呢隻星星人一出第一日我就向APM一擊即中搖到佢返嚟～ 哈！實在太勁～ 佢真係好得意
見到韓國啦
準備降落啦
開始潮退
因為呢兩年我睇少左好多韓劇，所以就戒咗去韓國⋯⋯
不過今次換機票嗰陣時真係見好似成日去日本，都係去返次韓國
話說我係有叫人同我去㗎，點不知我呢班機經濟位一早已經無晒位⋯想叫人去都叫唔到
排隊過關嘅時候終於知道點解，呢班機應該係好多卡塔爾航空轉機，
我過關時前前後後都係啲深色皮膚人士，勁小香港人
3年後再來⋯⋯D COUNTER大執位，以前租車公司向最左，依家向最右
韓國終於有得比外國人用 HI PASS！ 36000WON 可以用3萬WON⋯⋯
用晒可去 GS25 現金增值，張卡仲可以留返下次用！都唔錯
我本來係租樂天，但佢羅車時間最遲只比揀晚上7點半⋯⋯我實在唔敢搏
後來見到有間叫 SK 收十點就轉左租佢，佢都只不過向樂天隔離
事實證明好彩無搏，我真係8點先去到 COUNTER，但我見樂天都仲招呼緊最後一個客人
18-23/9 車租連全保 KRW 368,470
SK 你比多D錢就有新D嘅車，佢行左6萬幾公里都還好啦。上手唔入滿油就還車
記得影低佢⋯入多左還車蝕比佢⋯
9點半去到水原。去行一行超市先。
呢到係水原 STARFIELD，本來係想去星空圖書館但今日入境真係太耐 唔趕上去收十點
停車場同商場係分開⋯記住泊向 B2 層⋯⋯就可以穿過去
我第一次去，泊左向 B1 ，一野上左地面⋯⋯但商場向對面。
要去返B2 先過到去⋯⋯可唔可以寫英文呀⋯⋯
因為收11點夠晒時間行下
去睇食得嘅
影比呀媽睇
蔬菜、生果當然無可能咁快買啦。睇下啫
超級大盒
我都仲未肚餓，呢D又唔駛買
最後我買左箱鮑魚粥同十大包紫菜
入 No Brand 混左個吉無野睇岩
走啦，去酒店
話說我轉左3個圈先入到酒店個停車場，第一次過左小小龍，條馬路太繁忙我想退後都唔得
第二次有架車泊左向入口，佢無房要我退後讓佢出，出左去又要轉個圈。
第三次好啦⋯⋯原來酒店係有地面同地牢停車場，今次見到地牢呢個順利泊車
勁呀 晚上11點20分先去酒店，真係永遠只有去韓國先會咁夜
我好耐之前係BOOK左第一晚住永登浦東橫INN⋯不過佢無停車場
後來想第一晚住 鳥耳島又睇唔岩⋯⋯之後見水原都幾多 MOTEL 咁就揀左呢間
Suwon (Ingyedong) J&K - Hotel JK / 수원(인계동) J&K - 호텔 JK
4百幾蚊係可以訓兩個人
呢間係翻新完，D野都8，9成新
之後我記得酒店好似有免費拉麵咁最終都落左去望下
有免費咖啡，野飲，麵包，雪糕，仲有微波爐
過左12點 2026年9月19號，我又大左一歲⋯時間真係過得快⋯⋯今年係我第20年去旅行⋯
希望可以努力小小寫返晒2023年之後 D BLOG 比自己睇都好
間唔中睇返十幾廿年前旅行係真係開心⋯⋯雖然依家D人都真係中意睇 YOUTUBE 多
生日都只係去旅行嘅籍口～ 食埋碗免費麵上房沖涼訓啦～
沒有留言:
張貼留言