原來呢舊南瓜年糕係向水原買⋯我以為向清州買⋯上一編無寫到。幾好食⋯
不過佢無餐具提供⋯⋯做左印度人⋯⋯要用手撕來食⋯⋯
我比現金佢無比單⋯唔記得幾錢，可能係7000WON，向水原Starfield 見到可以試吓
路過見到⋯話係台灣⋯啲糖粉咩事
之後4點7去到清州⋯原本我是想去扶餘 宮南池⋯不過好似有啲遠⋯明天先算啦
之後又打算去父母山城⋯不過搵唔到可以停向邊⋯我怕要行好遠⋯
見附近有個清州樂天OUTLET就定位去到先算。
行左一陣竟然幫同事買左件特價 T-SHIRT
我就真係有想過買佢後面隻色，不過理智戰勝左
呢到個 OUTLET算幾細吓⋯佢有間樂天超市都OK大⋯但今日星期六又中秋前⋯好多人
唔同人迫，走啦！
最後我都係決定直接去酒店，我怕無車位泊車
前面盡頭就係壽岩谷～ 好多CAFE開向果到，酒店係行到去，不過最後我都無去過
啡色果堆應該係壽岩谷觀景臺，我離開清州時有揸車經過。不過上面來回都係單線行車停唔到
6點2去到酒店順利泊好車。佢加埋應該都係得 12-15個車位
呀豬媽 6點2都唔可以CHECK IN⋯因為CHECK IN時間係 7PM⋯
因平時都唔會咁早去酒店所以都無所謂⋯⋯不過真估唔到真係要7點先肯比房
提早佢話要比一萬WON。我即時走左～ 哈哈
行李都不用寄存就放向車到，我用腳行出去轉個彎已經好熱鬧
酒店行出去無幾遠已係清州最旺「清洲明洞」城內街
先去 OLIVE YOUNG 淺走一下，睇下有無我想要嘅野先
搵到後排最右支 THE GLOW， 想試下、可惜無電
之後當然走啦，OLIVE YOUNG有排都未收
之後行咗去見人介紹嘅糖餅店真係好多人，但其實我係諗住去隔離食辣炒年糕
因為kakaomap 寫收七點。 我去到已經1850PM
不過佢哋都話可以食啊～ 即刻坐低！原來依家啲小食店好先進，每張枱都放咗個點菜機響度
因為我個位係單人，部機呀唔係響正我個位，向隔離我見唔到
等我仲用電話翻譯再出去落單⋯部機有圖⋯好似有英文⋯仲可以直接碌卡比錢
其實我真係唔肚餓，但都嗌咗兩樣， 炸粉絲卷佢仲要俾多咗幾舊炸魚蛋
呢個辣年糕係有個款魚蛋⋯一個人食係幾多下，我叫溫和辣都辣咖。唔食得辣就唔好食啦
我真係好努力咁食，剩返左邊嗰小兜我就攞走咗， 其實都係甜甜辣辣，唔係啲人講到非食不可
食完出返去⋯⋯糖餅都仲係十分之多人，但係我真係好飽⋯唔會食啦
隔籬就係清州中央公園，宋慧喬韓劇《黑暗榮耀》向呢度拍過
果日都熱熱地，所以我都無行耐D
誤打誤撞行咗去呢條心心樹街，銀杏樹經人手修剪成心型，靠近清州臨時市政府大樓前
又返到最熱鬧條街，啲燈開晒啦
呢條街最大間嘅Cafe，我其實以為已收咗工，點不知原來唔係，但佢嘅評分都比較低
因為人有三急～哈 所以都係返酒店羅房先，順手去埋洗手間
返酒店check-in啦，呢度係後面另一個停車場位，應該係有8個位
返到去阿豬媽轉咗個男士，佢已經好經驗豐富咁叫我影低說明書
韓國啲 MOTEL 可能都係統一用晒呢款三合一遙控，冷氣、電視機，燈都係用同一個。
琴晚嗰間就冇中文介紹，我入房搵咗一輪都搵唔到冷氣機遙控，
後來醒起以前用過係一個遙控較晒所有野，所以如果你會住 MOTEL 就自己留意下啦！
呢間 MOTEL 又有 SNACK BAR ，有好邪惡嘅辛辣麵同仲有白飯，好恐怖。
俾埋 Starbucks咖啡粉你自己沖，不過我就冇玩過
走廊都幾光猛，我覺得遊客佢都比左最高果層6樓。
話說我揀咗間大小小嘅房，咁佢又唔係貴HKD942 /兩晚，單人雙人同價
地下係扮榻榻米嘅膠地板都幾舒服～ 係張床上面有條橫樑，信風水嘅人就唔中意咖啦
同埋我見到有個大大地嘅浴池，不過底啲邊有小小漬，所以最終我都係冇用過
基本上都係比較新淨
韓國啲電視機真係好似唔使錢，呢個電視機起碼都65吋以上⋯⋯又高清
好啦，去完洗手間就出去買嘢啦，收10:30都仲有好多時間
最後我玩左個幾鐘⋯⋯只係買左 172400WON 我諗得1/3 係我⋯⋯
最後9點幾返酒店，去便利店想買啲嘢飲吓，但係韓國便利店啲嘢飲真係唔太啱飲，
所以我返咗酒店沖即溶咖啡，酒店部水機仲可以出冰，真係十分之好～
其實我都唔係買咗好多嘢㗎咋，返去睇下電視又食左小小南瓜糕，洗白白早啲訓
沒有留言:
張貼留言