DAY 9-英法單人之旅 07年6月19-LONDON

今日8點幾點起身遲左無早餐食啦！我唔小心買左張one day pass...

其實我都有OYSTER 卡... 但成日都唔係好識點用佢當 one day pass... 

見今日天氣好! 就去白金漢宮睇換兵儀式啦! 搭地鐵去到victoria 站行去白金漢宮啦~

路途又唔係話好遠既...不過都唔算近既!

去到11點到! 已經見到好多人啦! 今日仲好好陽光! 勁熱啦!

 

 

好難先迫到去第一排咖!! 仲要向無比人阻住下自拍一張!

 d標誌好靚啦!

11點20分聽到有音樂啦! 見到佢地行過來啦!!

佢會有兩次士兵行入去白金漢宮咖! 第一班唔係好多人! 第二班就多d! 不過只係影左第一班...

見到佢地頂帽...我覺得好熱啦!

第二班有騎兵...不過我行開左原先個位...太多人影唔到啦!

由於中間唔比逗留! 行左幾次先影到! 佢地都合奏左好耐下!

個女護衛好nice 咖~ 好多人都可以模下佢隻馬!

睇到12點走啦~ 途經d手信舖! 無買到...影低算啦~ 哈哈!

行去白金漢宮源途都有好幾間cafe 餐廳啦~ 揀左間叫 BUMBLES!

好貴下既可樂!

個麵包超好食... 又熱又脆! 加埋D牛油...食晒!

個湯係忌廉薯仔湯! 夠熱! 薯仔都有好多下!

炸得好靚既薯角! 不過之前食得太多薯條! 唔想食啦!

主菜到啦...又係無汁既...點解我次次食既野都無汁咖! 紅椰菜炸鴨脾! 

先講上面綠色既菜苗?啦... 以為佢係無味...點知佢係沙律來~酸酸地! 讚! 

跟住食鴨脾! 塊皮好脆好香口~ 薄薄地唔會覺好肥同好油! 鴨肉先頭有D鞋! 但唔係好多肉鞋...其他都無野! 味道夠晒味啦! 紅椰菜係酸酸甜甜咖! 同D鴨肉一齊食! 好夾! 無咁漏啦! 

最後到雲妮拿雪糕! 好難會難食啦!

今餐都好滿意! 食左$13.2GBP!

食飽飽要去行下散步啦~ 搭地鐵去左WESTMINSTER 英文唔好既我完全唔知道 WESTMINSTER 就係西敏寺! 第一天來睇大笨鐘時都唔知...

行去西敏寺時一定會經過大笨鐘啦! HI 我地又見面啦~ 今日天氣好!你靚仔左喎!

 

  

 行到啦~

英國D教堂都係差不多大! 法國D教堂就大D!

個個教堂D雕刻都咁靚!

我其實唔係好想入去咖...$10GBP入場費都算...佢唔比人影相羅! 

不過唔想第時後悔...算啦! 都係比錢吧啦!

入面D區域分得好密...好多都係邊個邊個之墓... 偷偷地影左3張相啦!

加冕之[登] 比較平實啦~ 佢加冕左好多人咖!

呢個HALL 6面定8面都係彩色玻璃!

值唔值得入就真係見仁見智啦...10英鎊差不多可以去次海洋公園了!

今日都係無搭LONDON EYE! 最後一日先搭啦~ 仲要去其他地方!

3點幾去左聖殿區 THE TEMPLE...去到見到佢圍晒野...維修CLOSE!! 呀...天呀!

4點幾去到英國好出名既百貨公司 HARRODS啦!

一入去就去SUPER MARKET 行下啦~ 

我都好想食咖...但我真係好飽下...我都唔係好知佢係咩來! 不過見佢好靚啦~!

ROUGIE 鵝肝...唔記得睇下幾錢...哈哈

 
 跟住就睇下有咩手信好買啦! 好都好靚!! 但D價錢仲靚...買唔落手啦!

好出名既袋仔就買左兩個!

行完都成6點幾啦! 都趕左去COVENT GARDEN 行一行啦! 一出地鐵站有好多舖頭! 

向佢地收工前買左件衫啦~ 都好有D收穫!

行到去 MARKET 收晒啦! 得返餐廳...CAFE 開緊!  想搵間餐廳食晚飯! 但睇唔岩!

準備搭地鐵時發現COVENT GARDEN個站只可以出...無得入...要行去下一個站...行緊時侯見到馬沙未收入去行下啦! 嘩出面即刻落超大雨! 向入面行左成大半個鐘等D雨細D OR 停雨啦! 
入面超多野食買! 向入面買埋我既晚餐啦~
 個天對我都唔錯! 我買完走既時候停左雨啦~ 行左5分鐘就去到另一個地鐵站!

今朝民宿老闆話佢地去睇歌劇好夜先返! 間屋我都唔知有無人啦~ 

向馬沙買既晚餐~一共HK$7.79 GBP!

都好食咖~ 又唔算貴!! 個批係蛋來咖! 好似日本d甜蛋咁! 入面有洋蔥...腸! 我好鐘意食!! 

個通粉我係凍食! 有d人會熱食! 個沙律我勁鐘意食咖! d菜真係好甜! 好好食! 

來佬貨真係靚d咖! 呢餐食完好滿足啦~ 一個人食咁多野...哈哈!

戰利品好耐無出現啦！

少少SHOPPING提示! 有著開馬沙UNDER 既人! 英國$10 GBP就有兩包! 比HK 平左$90! 
都好多下咖啦! 有書話英國有9成人都著馬沙既UNDER 咖! 哈哈