仙台:士多啤梨園~夢いちごの郷~苺狩り~ 08年2月23日

每年二月開始至到五月都是食日本士多啤梨的好時候!

編行程時是無打算這次旅程可以去士多啤梨園~因時間有限加上搵到兩三個士多啤梨園在最近的車站都無巴士到達...需要行一個鐘...後來在日本YAHOO search 到位於山下駅
夢いちごの郷!在車站行10-20分鐘就可到達!算係最方便同近啦!當然要去啦!
昨天在仙台觀光中心已請職員同我預約~但果園話今日無咩人幾時去都可以!

由仙台搭JR東北線只需半小時就可到達山下駅!

車站張相係回程時影!天空放晴!剛到達時好彩剛落完雨!但吹緊超級狂風!係真係勁大風...

好彩係背風先好D!羅住張比較簡單既地圖就出發行啦~

行左五分鐘見到有指示好開心啦~表示無行錯!但仲有0.7KM...

基本上係一條直路~行多五分鐘又有指示啦!仲有三,四百米!

條直路簡直係羅命...無野遮擋我個人食晒風好彩件褸有帽加埋頸巾包實個人!
但塊面同眼真係遮唔到... 真係好難忘啦!

嘩! 我終於行到啦!! 士多啤梨你死梗啦!

1500 YEN 一位!

入到去簡直係天堂!! 十個暖! 我個眼鏡唔係矇左係出水點...勁!
有個嬸嬸看住D士多啤梨~ 叫我放好D野除左件褸, 頸巾~唔好整親D士多啤梨~
仲有就比個膠兜我
教埋我點摘士多啤梨~就可以食啦~

除左我仲有位兩位太太同個BB~  有十分十分多士多啤梨~啦! 見到好多都超大粒~

先頭怕大粒唔甜~食D細粒好靚好尖個D但唔算好甜!

之後食好大粒唔係靚樣個D! 嘩! 超甜!! 好好食呀!
之後就不停摘好大粒同形狀古怪個D啦! 我一路食一路有數住食左幾多粒咖...哈哈!

超大粒啦~

勁古怪形狀! 但勁甜!!

呢D細粒我都唔食啦~ 真係有大食大! 食大佢!

食左四十幾粒之後好飽啦~ 影下相同MOVIE! 問個嬸嬸夠鐘未...佢叫我繼續食...食多D!
食到最尾已經無數啦...已經超過左六十粒...真係有D飽到想X...哈哈...
食到食唔落都仲未夠鍾...我就決定坐下休息下啦...嬸嬸係咁叫我食...
我唯有攬左個肚講 "打咩" 佢笑得幾開心...

食完隻手都紅晒啦! 食左咁多粒士多啤梨後真係好滿足咁離開!

提示一下怕蜜蜂既人就小心D啦...入面成日都見到D蜜蜂採蜜...小心避開佢地啦!

有用資料: 山元町夢いちごの郷