DAY 1-韓國釜山櫻花三人行-09年4月7日

又到新旅程第一天啦! 期待已久韓國釜山終於出發啦!

去左好耐終於可以去韓國啦! 今日係14.30港龍直航!

點心時間!

上次去韓國係魚飯今次又係魚飯!

港龍不會少的H記雪糕!
五點幾日落了!

到了金海機場!

過關、! 羅行李、羅齊地圖都六點十啦! 機場有好多唔同地方地圖，記住羅齊!
我同媽咪就換好晒錢! K小姐後來加入就未換! 見機場匯率係164都唔係好高就無換

太陽走了! 月亮出來了

一出機場門口就係機場巴士站! 我地住海雲臺就搭 2號線! 車好新座位好舒服! 每位6000WON

車程大概都要成40分鐘以上!

沿途我都唔知自己見到有幾多間燒肉店!

由於有D塞車關係都搭左成個鐘! 我到去到 GRAND HOTEL落車

搵左一陣就搵到一連6晚都住向海雲臺既 BIG APPLE MOTEL

MOTEL 附近全部都係 MOTEL 係 MOTEL AREA! 好多我上網都睇過!

話明MOTEL 就當然唔會好似HOTEL咁有個大堂招呼你啦!
只有睇劇集咁有個窗口仔比野你同收錢!
 6晚住宿費係 三十六萬WON...比錢時佢比左十幾隻牙刷...
嚇死我...唔駛咁多呀...我比返成十隻佢...之後K小姐同我媽就話我做咩唔羅...
一入房好熱呀! 黑麻麻搵唔到燈制...要搵下點開燈... 仲要搵野開冷氣...

搵極都唔見...原來係一個搖控開晒...
但上面有D字已經無左色...唯有一個一個禁!

房間OK啦! 三百幾港幣一晚都唔錯了! 不過就無睇相咁新...但又唔係舊!

 最重要當然係個浴缸

個電視超大...仲有電腦上網!
安頓好九點幾啦! 我地就出去搵野食啦! 同原先PLAN一樣去
錦繡 금수복국 食雞泡魚湯同刺身

初來報到當然用腳行安全D! 都係一大條直路既!

順手行左去睇 我們結婚了生菜夫婦拍攝既酒店! 千幾蚊一晚我又唔捨得住...

酒店出面就係沙灘啦! 生菜夫婦就係向到燒煙花了!

D花向日本成日見到來到韓國都見到!
由於肚餓關係搵到就沖左入去啦! 佢係24小時營業想幾時食都有得食!

叫左野食先來前菜先!

9000WON 一份的河豚湯! 上台時好滾好滾咖! 小心熱!

入面都有好多河豚肉咖! 肉質同向日本食既唔同! 日本個D比較實!

呢到比較淋好似食緊魚...各有各好! 湯就夠晒清! 鐘意濃味就唔岩啦! 揀辣湯啦!

9000WON一份河豚沙律~ 都好大份! 入面有蝦、尤魚、 河豚! D菜食落好新鮮!

每湯跟一碗飯~ 同埋我地較夜食唔到河豚刺身比較失望!

兩碗湯+沙律一共27000WON!

走時見到有蜜瓜雪條食返條先。。不過唔係食開隻牌子我覺得無咁好食 500won

食飽飽就快11點啦! 行返去MOTEL啦!
行左另一直路返MOTEL 呢間野食咩都好似一萬WON 咁!

仲經過好多MOTEL

附近都有其他野食~

呢D魚真係可以做刺身??      
返到酒店浸返個按摩浴就訓啦!  聽日要趕住去睇櫻花!