DAY 2B-韓國釜山櫻花三人行-09年4月8日

休息過後沿住櫻花行反方向終於搵到余佐川橋啦!

先來張石頭上舖滿櫻花花瓣~ 再加上兩旁的油菜花~ 靚呀!

再來張成日見到余佐川既相~ 不過有好多櫻花都落左唔少...
要行去搵D仲有好多花瓣既影相~

每年既春天佢日日都可以賞花...

好彩余佐川全長有成兩公里以上都好易搵到仲有好多花既櫻花!

橋側邊有D車仔賣下小食!

新鮮整出來的米餅~ 兩位小姐試食完係咁話好食...睇韓劇成日都見到~

一定要來一張合照!

望不到盡頭的櫻花與油菜花

兩邊都有不少的人!

油菜花都有不少!

真係同日本既櫻花差不多

好多影相人!

 行到好遠下有得落水溪側邊行~

向下面望返上去~ 好似一條櫻花隨道

呀媽見人地賣窩夫好好生意話人地好好賺....我叫佢下年來做羅!

大風時有好多好多花瓣飛落溪~ 好靚~ 可惜我攝影技術有限...影唔到好靚

影左好耐就離開余佐川橋啦!

又行返到帝皇山公園~ 呢個角度望去都幾斜咖!
行去搭巴返釜山市啦!

本來無咁早走既...我仲想去民安路...點不知另外兩個聽到要搭的士就話唔去
 K小姐話睇厭...呀媽話都係差不多啦~ 唔睇啦...激死我...咁就去返巴士站搭車走!

都係4500WON一個 返釜山既沙上

一個鐘到就返到去啦~ 只不過五點半到!

我地就搭地鐵去到西面既樂天百貨! 打算同K小姐搵地方換錢!
樂天本身都有得換錢不過係唔收港幣...要行出街搵下

行下行下去左條好多小食既街!

由於仲未搵到換錢既地方...1300WON買左串雞食! 好食...不過甜得來好辣!!
順手問下邊到有錢換...呀朱媽同我地問左人話係無咖...係都銀行換不過收左...

咁我地去銀行有PLUS既機試下禁錢啦...完全禁唔到...唔知想掂...最後放棄了!

咁我地就去返樂天免稅店搵雪花秀進行敗家程序!
呢樣又要...果樣又要...wow...買左唔少錢哦!

樂天收工啦~ 我地都要搵下晚飯食啦!

入夜的西面都幾熱鬧! 仲有唔少食檔!

冬天一定要有佢先無咁凍!

向條食街到行來行去!

最後揀左個門口有日文menu既燒肉店食~ 唔識睇韓文都起碼識日文呀!

一定不少得既小食! 香港就細細碟~ 韓國係幾大碟下咖!

我唔食既蔥!

個蕃薯好好食~ 用來解辣!

大蘿蔔好大塊咖! 好似鹿兒島個d咁! 豆腐我都覺得好食

仲有d菜用來夾肉食!

個豬肉係兩份...呀朱媽話三人唔可以叫一份... 燒完食落口都好有肉味~ 唔錯~ 係爽爽地~

超細! 好貴既烏龍茶...K小姐要飲...

牛肋骨都好似係兩份~ 肉淋~ 味道甜甜地咁~

韓國d蒜頭幾好食wow 唔似香港食個d~ 我地食左唔少~ 個口都無咩臭!
唔好見野少少食落都幾飽咖~ 三人一共食左59000won~ 都算平咖啦!

成條街都係食燒肉~ 唔駛驚無野食!

行返去地鐵時又有好多小食~ 好想食辣年糕咖~ 不過飽了食唔落!

地鐵西面站連住樂天百貨既地下街~

回程時間尚早就去左冬柏站既 supermarket 行下

每個站都差不多樣!

行左五分鐘到了! 超市要落一層...不過佢話唔比入...因為我羅住個相機...
都唔知係人問題定公司問題...我相機放向個袋都話唔入得...真係吹脹...
咁我叫另外兩個入去行啦...佢地見我唔入又唔行啦...咁就走左...真係攪笑...
向超市出面轉左個圈...見到我09年最愛~ 呀金賢重!

仲有間擺設店!

最後就向冬柏站行返酒店~ 我地motel 係向冬柏同海雲臺中間! 行邊面都一樣!

向西面到買的士多啤梨! 一盒4000won

全旅程最貴! 同張機票差不多錢既雪花秀...不過比向香港買真係平左好多

sample 到今時今日係仲未用...哈哈!

紅酒 PEELING 10000WON 日本人推介! 當晚即時試下~ 唔貴又都幾好用!

個黃土入浴劑向樂天百貨買滿USD200送的! 下次去旅行可以浸啦!
又去浸個按摩浴~ 睇下電視又要訓啦!