DAY3B-韓國釜山櫻花三人行-09年4月9日

行到上去有d熱啦~ 太陽又晒...買支雪條係我不二之選!

今次唔食蜜瓜味~ 試下食新野，雜果味!
下次大家可以試下~ 好多生果，好多料~ 好食wow!! 700won

另外兩位小姐見上釜山塔要錢就詰唔上...咁我自己上去啦~ 4000/人

叮一聲上到去~ 見到先頭食海鮮個 扎嘎其市場[右角] 同釜山港~

釜山係韓國第二大城市, 所以都有唔少樓!

有層簿簿的霧，剛剛好睇到條橋!

龍頭山公園一面~

見到 d山頂仲有櫻花，低地個 d都出晒葉了

影完就落返去走啦~ 條樓梯都幾迫咖!

落返 BUSAN TOWER 見到唔少世界著名建築物模型!

兩位慳家小姐係坐向到等我....見到嗎?

樂器博物館

最後一張 BUSAN TOWER

個廣場都幾大咖~ D旅遊車就會泊晒向到!

仲有個花鐘~不過懶得行去正面影張相

唔少櫻花都落晒, 但仲有D尚在~

行完落返地面啦~ 經過間廟

行返到 南浦洞地鐵搵6號出口 ，行去對面巴士站，好順利上左30號巴士

巴士行行下都會沿住海邊行~

30分鐘都唔駛到總站，落車行一陣就到太宗臺門口!

入左大門要行條幾斜既路去搭小火車!

小火車 1500WON 一人~ 買左支野飲成2000WON 都幾貴~ 味道幾似麥精

準備開車~

如果你中意既可以行咖...不過我就唔會啦...

第一站先到觀景台!

呢到可以睇既野就係海啦! 不過個欄太高啦! WOW~ 一望無際都係海~

經常都有船經過

千祈唔好睇唔開呀~ 跳落去死緊!

搭小火車走時就發生一件蠢事啦...原本應該搭一個站就落車行去燈塔...
但完全無人落我地又唔知...咁就搭左一個圈返到起點...
咁我唯有試下問下可唔可以搭多次啦...好彩D人都比我地搭多次! 唔係要買多次票!

今次真係識落車啦! 仲見到呢個牌~ 要行多250米

都仲有唔少人行去

樓梯全部都係木來

到啦~

太宗臺最易認的標誌!

有時間可以去飲杯咖啡既

由於我地太懶落都唔行落去...向上面影落去算啦!

無聊一影~ 哈哈!

太宗臺白雪雪的燈塔

呢隻海馬 GOOD呀~ 可以收埋晒成個人~ 好幾個人都要影

影完就行樓梯行返上...剛剛行落去就好舒服...上去就慘了!

上網見人話太宗臺係睇日落好地方...但我完全見唔到太陽...係比個山遮住左!

天開始黑啦~  走啦~ 走時又見到櫻花~ 總有一棵向附近!

搭返1000WON巴士回程返到釜山太陽已經落山了!

彷意大利水池係西面站樂天百貨地下地鐵入口~
又到食飯時侯啦~打算去西面樂天到搵野食...點知去到係收工了...
向樂天附近行下，睇下有咩好食啦，就是但入左間食店~

又有小食上台~ 不過麻麻地好食!

還有任食自己夾的泡菜~

跟餐送的白飯仲有埋隻蛋~

拉麵年糕鍋~ 都ok辣, k小姐食得好開心佢想食好耐!

一個唔辣的拌飯~ 辣D會好食D! 3個人一共食左14000won超平!
食飽飽就都成 9點啦~ 要返去海雲臺啦!

今日向西面地下街去左 Skinfood, Mishha, Innisfree加埋 118600won

今日送的 SAMPLE~ 今次叻左返來用左DD咖啦!
每晚都浸次按摩泡泡浴SO GOOD!!