第一天-PART 1 復活節二人行之首爾10年4月2日

今個復活節真係發 『韓瘟』三千幾一張淨機票我都買得落手...
朋友仔 F小姐 難得同我一齊顛 久違了的首爾之旅成行了!!

本來打算搭早機等自己唔好咁辛苦...點不知整整下都係搏命坐凌晨機!

食飽飽要準備訓，睇左十分鐘阿凡達真係無咩興趣，訓啦！

現在係凌晨5點...係5點呀...D人多到呀...

唔係講笑...真係多人到顛...我用左45分鐘先過到關羅行李！

先搵要搭既巴士就可以買車票啦！

巴士 9000WON 一個

一連四晚住同一個地方巴士 6002 就去到鐘路東大門附近

等車時天開始光啦！

巴士多人到要同朋友仔開坐，向車時太陽出來了！

影完太陽就 ’中’ 眼訓去到鐘路4街落車啦！

一落車凍到人都顛呀！我見13，14度到都無帶褸！

初來步到行到目標附近對緊公仔字時有位男士好熱心咁教路，真係唔該晒！

搵到了！ 一連四晚住宿 AMIGA MOTEL35000WON一晚
因為時間實在太早啦，當然唔會有房...又日又韓問下可唔可以加錢休息
點不知係唔可以的...因為出面太凍啦...我地即時要開o急加衫...但我係無厚衫！

凍都要出發咖啦～ 時間尚早食返個魚旦暖暖身先！＠500WON

MOTEL行出來對面就係 廣藏市場

早上8點幾當然唔會太多檔口開左啦！

WOW～～～ 好吸引既『督卜KI』炒年糕！

近年榮升了韓國通既我比『呀朱媽』當左水魚，坐低上埋菜先問人幾錢...
得個小小年糕佢收左我 5000WON！食都食埋落口唯有比錢啦！

好彩佢良心發現送左兩串魚旦過我！我既心情即時好返D啦！

食飽飽我地就行左入東大門入面似裝修街既地方！

仲經過左一條叫燒魚橫丁，間間門口都好多魚幾香咖！

行到去東大門啦！

唔好睇我個樣...我係十個凍呀!!!我入面係著左兩件間條衫一件短袖衫！哈哈

路過一間教堂！
行下又行下去到其中一段清溪川

9點幾人都唔多隻覺得係正常既！

應該係東大門買衫既地方！

清溪川好長咖，我都未去到我想去果段！

兩個都無咩訓既人都係走圍行下算啦！

一路行一路都覺得好凍咖，邊度暖我地就留耐D～哈哈

離開清溪川見附近有地鐵站就去搭～ 一人買張韓國 T－MONEY先
卡就3000WON 增值多一萬 WON

NEXT STATION IS 光化門

地鐵出來行一會就去到目的地！

夏天會有水噴出來咖，不過依家冬天當然無啦！韓劇IRIS有出現過！

因為太凍既關係、個頭又好似好亂我既冷帽出場啦！

向鎮海有見過既戰船！

呢個石柱有D型呀～

世宗大王像坐向到等你來探佢呢！

世宗大王像前面仲有D天文儀可以影下相既！

去既時侯4月，8月佢已經裝修完畢啦，新年去時可以去影返張相啦！

中間到係青瓦台