DAY 2B-東京伊豆賞櫻溫泉樂 12年3月2日

食飽飽我地就行下啦~ 行去熱海櫻全開既糸川遊歩道

都行左成十幾分鐘啦~ 行到去差不多無雨了~ GOOD!

沿住水道行一直兩旁都有櫻花~ 不過當然唔係密密麻麻

 

真係開晒咖~

濕濕地另一番風味, 對上一次落住雨睇櫻花都4年前了~

雖然數量唔算多~ 但粉紅~

 

因為知道明天河津都係開得3,4分...今日見到滿開都算係咁啦~

相入面兩位呀嬸好努力影影影~ 哈哈 呀媽第一次向日本見到滿開

花期遲左有好有唔好啦~ 平時呢到正常係落晒花~

我都影張福頭相先~

基本上就係得我地3個向到睇櫻花~

點解要咁樣呢??
 
睇完就搭巴士返熱海站~ ¥170

仲未夠鐘有車就向車站睇下手信啦~ 都係野食多~

熬海全開係得剛去既糸川遊歩道大, 其他都仲係開得好少都唔去睇

搭左個幾鐘火車終於到今晚溫泉地方啦~ 千揀萬揀揀左佢~ 一出站就已經見到接送車~
去到溫泉酒店就受到貴賓接待~ 坐低飲杯梅茶休息下~ 墳下野~ 介紹下~ 仲有免費貸切訂埋
 

帶入房女將係位年青姐姐~ 比完熱毛巾同我地沖下茶就走了

小小茶點~ 真係小小...哈
休息下~ 睇下電視~ 陪兩位嬸嬸去睇下浴場環境認下路~
我地住間溫泉酒店係痴住間大溫泉酒店~
當然大間貴D就無住啦~ 所以浸溫泉都要行一段路~ 不過都係向室內既~ 完全唔係問題~

溫泉區有個露台比你睇海景~ 望出面就係一大個海~
今餐係神秘晚餐~ 唔知食咩~ 點解咁得意? 因為唔揀食咩住一晚一個平¥2000

SHABU SHABU 金目鯛~ 滑滑有魚味

有杯小櫻花酒~ 前菜

留到最尾送飯啦

兩位嬸嬸既自選魚生~ 夠晒新鮮啦!

我訂房時註明唔食魚生, 酒店好好整左個燒魚鮫比我, 燒到好脆~ 魚肉好滑~ 正呀~ 勁大舊!

伊豆名物金目鯛

醬油煮金目鯛~ 佢地D醬油都比較甜

熱煮砵仔

無燒飽魚 ><

又來燒魚~ 一人一條~脆脆脆

幾貴格既燒螺仔...好熱咖!

濃濃味噌湯~ 仲有蕃薯飯~ 蕃薯好甜咖

食埋個雪糕~ 飽晒!!
返房食飽飽休息完就去浸溫泉~

呢d布公仔整到BB仔玩具咁係呢到發源地

 溫泉入口