DAY6B-首爾濟洲釜山四人行 12年1月27日

離開涉地可支我地就去食午飯啦~

 

 

食飯就向城山日出峰山腳~ 司機帶來~原來係向網上見人介紹過既城山食堂~ 海膽湯~ 有集見李勝基飛去濟州食過~ 哈哈

室內都對住個大海食飯呢~

司機好熱心同推介我地食咩~ 叫好野食啦~

芽菜湯位位有啦!

先來煎海鮮餅~ 我地話要食~ 好好味咖~ 熱辣辣~ 脆咖!!! 正!!!

牙帶魚窩~ 十個好味~ 用來送飯真係十個正~ D薯仔完全係極品~
可惜窩大大湯唔係好多~ 滾滾下辣汁濃縮晒~ 用來撈飯真係超正!!!

 

本來想食方頭魚見人話濟州名物~ 但司機極力推介鯖魚~ 又真係好好食~
皮燒得勁脆有魚味~今餐加埋68000won~ ok啦~

食飽飽司機就車我地上去城山日出峰入口啦~
朋友同佢mum 唔上去~ 我就同我mum行一行上去
入場費2000won/位

點都影張到此一遊啦

呢到好出名~ 人都幾多咖

一路行上去就可以睇返下面風景

  我地都只係行左三分一向中間就回頭啦~ 哈哈 唔上啦~ 費時要人等咁耐啦~ 呵呵

上面係火山口來~ 有體力就行上去啦!

落返去就見到牛島啦~ 我都好想去~ 因為李勝基又去過羅~ 哈哈~
不過佢地行到去山頂住就唔好攪我啦~

右手有個燈塔就好似係李勝基去過果到...

吾~ 我地都真係有行咖~

都唔少人行上去咖~ 不過藍天都已經無左...算啦~下面都收貨!!!

行落沙灘定時定侯有海女表演~ 仲可以即場食海鮮

想睇就自己留意時間~

果然係火山周圍都係黑嘛嘛

佢件褸得意過佢wow

集合返~ 行下手信店就走啦~  呢到真係有好多國強人士...

之後司機就車左我地去 城山日出峰城邑民俗村(성읍민속마을)
城邑民俗村係韓式傳統屋向村內仲有住緊居民, 而且民俗村內最緊要係有土產販賣

一去到就有人來介紹啦~ 係位講國語既小姐
呢三條住有意思咖~
三根木頭全插上，代表整天沒有人在家或好幾天無人在家
一根木頭放下，代表屋主出門會很久才回家
二根木頭放下，代表屋主出門馬上回來
三根木頭全放下，代表屋主在家，隨時歡迎到府拜訪

先帶左我地睇真既黑毛豬~ 不過佢真係好臭咖!!! 我地禁日食左你d同類啦...

有雪既特別靚

 

好快行左個圈最重要就係 sell 野啦~ 五味子, 蜂蜜,骨粉...五味子, 蜂蜜我MUM飲完就話買啦...
兩樣加埋79000WON 歡迎碌卡...
行完買完又上車啦~ 去左我想去既 TRICK ART MUSEUM 트릭아트뮤지엄
入場費8000WON/位

類似3D畫啦~ 弘大同日本都有

上網見人影得好開心~ 我又影下啦!!!

燈光影得好~ 有D都幾真咖

呢個真係唔識玩

 

 惠化無左既天使翼呢到有呀

我MUM影係咁上下啦

無咁多燈反光會好D既

除左天使仲有惡魔 TIM~

MY MUM 玩得幾開心

玩左半粒鐘

走啦

 最後去埋今日最後一站龍頭岩~

佢地就係晒向路邊~ 哈哈

點解會有個露點濟州美人魚咖

黑嘛嘛石頭

佢就係龍頭岩...一個比較流既景點...

算啦~當睇下大海啦~
之後司機伯伯就車我地返 DECEMBER HOTEL 啦! 今日包車完畢~

放低野休息下我地7點幾先再出動啦~

去左麵包店買定明天早餐

 

仲買左個即時食左~

買完就行去食今晚既晚餐~ 途中見到魚仔餅即買~~~ 1000WON真係好平好好味~~~

路過

散步散左成廿幾分鐘~ 行到啦~ 哈 裴勇俊先生都來食過咖~

開餐啦~ 小菜有辣醬生蟹...真富貴!!!

韓牛韓牛出來啦~ 左面牛舌係散叫~

 

右手韓牛拼盤~ 睇樣就煞食啦!!!

全程都係仕應燒...我地就係食得啦

D 牛肉真係好好食呀~~~ 有肥~有咬口~有牛味!!! 正正正~

仲叫左個有好多料既牛骨湯~ 好多肉向入面!!! 今餐食左118000 OK啦~ 唔算貴

食飽飽就行返之前既路返酒店

今日買既 HONEY 呀....好大咖...仲要係玻璃樽...