Day3C 沖繩5天自駕遊 16年10月7日

我都唔記得做咩停向到...可能影下個海呱...定整Gps?

路過行下

點解我禁日見唔到你呀？點解呀！點解呀！點解咁多和牛咖！！！

好平羅！想買咖...不過諗起D糖放棄左！

之後路過某Aeon 搵野食！

一人揀一set! 我媽揀沖繩麵定食！又麵又飯～飽死佢！

我揀炸豬扒定食

兩樣加埋先百幾蚊！我媽果個先五十蚊到！我個沖繩炸豬扒先八十幾蚊！！！真係平爆～

食飽飽就去今晚酒店 check in 放抵行李先！

酒店職員會同你泊一次車...so good! 佢好環保羅...個大堂係無冷氣...咁即係熱熱地啦！ 

但唔緊要正常都唔會留向無冷氣既地方好耐！正常呀下！

佢好快比左房卡我呀！但上到去開唔到門！咁有位年青男職員同我去換~
熱住等左15分鐘...換返來都係開唔到門...佢又再去換！ 之後我地又繼續等...
之後見到位高級DD 男職員開左房門比我地...但無卡開唔到冷氣...打開房門繼續等
咁我實在太急去個洗手間先...岩岩同我check in 位女職員打上來 話唔好意思xx77個D啦...

咁我就話唔緊要我準備出去啦，我熱左半粒鐘都仲未比到張房卡我...我唔等啦...
今晚返來換間高d房比我啦 ...

4樓係唔夠高~ 熱我咁耐...換啦~

之後D野留向房酒店會同我地搬~ 去門口職員會揸返架車比我地，我地仲要去埋個景點先！

呢間ANA 好近萬座毛！

成6點啦都好多人去萬座毛～好彩搵到個靚位泊車！

天黑前來到

　Hello! 上前次無來！今次來返啦！

我地間酒店

之後就再一次去Aeon mall  ~ 行左成2個鐘

9點幾唔係太餓但都要搵野食咖~ 

食個正餐啦~  最後去左食鎌倉パスタ

粟米湯

海老とアスパラの胡麻風味サラダ  / 蝦蘆筍芝麻醬沙律

  厚切りベーコンとトロトロなすのトマトソース / 厚切煙肉茄子蕃茄意粉

佢仲靚過餐牌張相!!!

唔太餓下散叫都夠2個人食咖~ 今餐食左 ¥2127 ~ 平啦

 

又食唔落你啦~

好靚呀！不過唔平唔捨得買

 

行到收舖走啦~ 10點啦~

之後 11點不用就返到酒店~  今次要自己泊車啦~ 酒店只會同你泊一次~ 哈哈

晚上 ANA 係幾靚既~

向 COUNTER 羅左新房卡~ 轉左7樓望另一面

原價千幾晚一晚包早...我係用積分換啦...

早餐有3間餐廳可以食~ 有錢住幾日都駛怕食同一樣野

今日買既農產品！D沖繩柑好甜咖！

呀媽今日買既

有時間就影下啦！岩岩向 Aeon買！

向古宇利島TOWER 買既~

AEON個袋幾靚~ 蛋黃哥