立即Google一下隔離間餐廳~ 都有4點幾分架~ 但就係食意大利野囉！
不過我見佢環境幾好~ 又落雨...最終都入咗去食~
間餐廳都有唔少人食嘢
全海景餐廳~ 樓下應該仲有一層
基本上啲位都靠窗架
落雨坐向室內望下海灘都唔錯嘅
果然係意大利餐廳下有意大利餅乾條
好難得我阿媽都飲凍飲~ 諗住有排坐每人叫杯 LIMONADA 飲下~
呢個海鮮扁意粉肚餓啲時食就唔得啦～ 我覺得意粉太少
食唔到海鮮大餐食返個海鮮意粉都好嘅~
呢個Pizza好啱我食！好薄身加埋千島醬～ 啲吞拿魚唔乾身幾好食！正呀～
話咁快食一粒鐘~ 出去再入多次錶
其實我覺得呢度咁偏僻係可以唔使入錶~ 不過見佢咁平入咗安心啲~
佢好得意 60MINS €0.5 120MINS €1.3 所以我先分開入...好無聊呢?
入錶時影張無隔住窗既沙灘先
呢個甜品抵啊~ 4歐羅仲有咁多配料！ 香港Starbucks一件普通蛋糕到成三十幾蚊~ 好味道~
最後兩個人埋單€28.05 唔貴啦~ 坐左成個幾兩個鐘！
沒有留言:
張貼留言