DAY 3B-釜山統營大邱自駕遊-18年1月1日-統營

去到統營超多車！好難先搵到個位泊～ 落車冇幾耐已經見到好多蠔～

啲蠔真係一扎扎咁買

統營我都係第一次來～ 統營蠔759都有得買咖~ 去統營好多人都係去食海鮮啦～ 

超級多人啊～ 但呢度唔似我見人食海鮮嗰度~
韓國人劏魚真係好叻~ 我媽好中意食好細條D魚~ 佢以前第一次見人劏我諗佢好想拜師~

成條大街都買呢個炸波波

係呢度啦～ 見人食海鮮就係呢度～

行到入去我哋都無從入手～ 後來搵到間有位坐嘅餐廳就入咗去啦～

入到去雞同鴨講～ 指左我出門口揀海鮮

佢地啲蠔就係咁樣一包包 一萬WON一包

餐廳出邊唔係太多海鮮揀～ 是但買咗三樣同過隔離到買咗螄蚶~

個包蠔上台就係咁樣一大碟～ 生咖無煮過～

一萬WON真係超多粒～ 唔好比佢個樣嚇親～ 其實係好好食～好爽好甜！

我無記錯刺身叫池魚~ 25000WON 佢話好食就買咗～ 刺身佢地真係切得比較求其～ 幾爽~

叫咗一個辣～ 一個唔辣嘅魚骨鍋滾下～ 生蠔都係生食好味啲～

佢竟然無得叫加個公仔麵加落鍋到～ 只有叫一碗煮好左公仔麵～ 咁我哋就冇叫到啦

呢隻迷你扇貝好好食喎～超級甜啊～ 又係一萬WON

螄蚶係最嘛嘛~ 又係一萬WON~
今餐煮加酒水加海鮮6位一共 108000WON

岩先我地行街買~ 順手洗埋一陣食~ 好大粒咖~ 

回程睇下仲有咩買啦~ 有好多魚干~ 蝦平~ 紫菜

周圍都一箱箱蠔比你買走

統營真係一個魚港

走時仲要經岩岩行條街...慢慢塞啦