最後一日都望下漢拿山
6點半返到市區食埋晚餐～ 今餐食好野呀～ 土生土長濟州黑毛韓牛！
흑소랑
地址：제주 연북로 631
+82）064-726-9966
呢間係上網搵，以前食果間燒肉執左LU⋯⋯呢間望落都幾大間
入到去好靚呀～ 高級野咁！
炭燒咖～ GOOD
最左面濟州橘子醬沙律
生牛肉係當前菜提供，平時我地4個都唔會食生牛肉，不過呢間貴野就食下啦！
比起N年前向全州食過既生牛肉，佢真係好食好多，佢落左少少味撈，食落都無血腥味
不起我未來都唔會比錢叫生牛肉食！
呢到十幾萬WON啦，好彩我地唔餓，不過雪花真係好靚，我都唔記得我點叫啦
睇相就知有唔同部位！
有專人同我地燒～ 再分埋比我地食！牛肉係超級淋好好味～有和牛感覺，但又有D分別
瘦D都好淋好味道
真係好好味～佢都幾有牛肉味咖
叫左個牛肉湯～仲有水晶粉物體～
個湯仲有參片咖！加埋飯食～好味呀！
最後仲有個冰涼甜茶結束呢餐～ 今餐食左 178000～ OK啦～ 4個人真係唔算貴！
雖然我唔知邊個打邊個
食完天都黑晒～ 返酒店羅行李
送左3個團友去機場～我就一個人去還車～ 順順利利揸完8日車～ 再坐接送車返機場
回程無直航啦～ 要去北京過一晚，明天再返香港
每人都有份三文治比你
坐國航北京轉機係免費包接送同比一晚酒店，我之前就無試過
呀姨試左兩次見酒店都OK咁我今次都照住啦，他媽的⋯⋯佢帶我去間酒店唔係佢講果間
我同我媽都唔知幾耐未住過咁差既酒店⋯⋯真係仲衰過我出團D司陪房！
再有機會坐國航我一定自己比錢訂酒店⋯⋯
因為同呀姨分開訂機票，所以佢同我地唔同酒店，聽朝機場集合啦！
沒有留言:
張貼留言