DAY 2E-茨城東北8天-18年10月15日-米沢牛登起波

之前行程係仲有福島景點, 但比日光打亂左行程就直接去米沢! 因為我訂左食米沢牛!

離開休息站 揸多2個幾鐘...6點幾去到米沢~ 見仲有時間又路過行下買下野!

有人好想買! 但今日先第2日...

首先我車兩位嬸嬸去食壽司, C嬸嬸唔食牛...之後我自己就一個人揸去食米沢牛

 登起波向米沢都幾出名, 有過百年歷史老店~ 網上有得訂位所以訂左1位去食~

6點9去開餐~ 早到左, 晚上都唔係太多人

上網訂位時已順手揀埋食咩...所以都唔駛叫野

我食鹽得咖啦

其實呢到喜壽燒係出名D，但我都係中意燒肉多～ 所以叫左最貴特選燒肉 180G！
有眼睇幾咁靚啦！超級淋～好好味！

套餐有的

套餐～下面係碎牛肉～用來撈飯都唔錯！

一個人慢慢享受下都唔錯～

A5 係真係幾多油咖～用來送飯真係好好味！

肉碎送飯真係唔錯！

食完仲有甜品～

7百蚊食到咁靚牛肉真係唔算貴啦！向大阪食好D燒肉都唔平！

找數完仲送左包米沢牛咖哩～ 即時覺得仲抵左～

其實香港人食野真係幾快⋯⋯7點9都未夠就去到接這位嬸嬸～

比起東京，沖繩幾少人

2位嬸嬸好努力都只係食左咁多⋯⋯

百幾蚊港幣埋單⋯⋯真係抵到無朋友⋯⋯

之後就去今晚住既山形！去到山形見有時間去埋 AEON⋯可惜無印⋯收左！
咁又行下AEON 買D野啦！買完就返酒店啦！

今晚訂左2間房～ 嬸嬸佢地唔介意同床～訂左張大D既大床房

我就自己一個人一間房啦～

泊車 600YEN一晚

岩岩AEON 買～ 食飽沖涼～ 上網～ 聽晚先有溫泉浸啦！