我相信好多人去八戶都係為咗呢度！八食市場～
呢度有咩特別呢
就係有好多海鮮買啦
真係好多架～ 又平！
所有早餐無乜野食都唔緊要！
呢到D帆立貝真係平到極點呀！
買完海鮮最緊要梗係要有得整來食啦！呢到最重要係有七厘村俾你即時炭燒～
由於佢係每位計⋯⋯我阿媽諗縮數唔入去⋯向出邊行手信睇生果！
而家都只係朝早九點幾，小人係正常
首先比完入場費700YEN～ 比埋調味料～ 夾呀～ 紙巾～ 就叫你坐低～
轉頭就羅埋個炭爐俾你！新鮮嘅海鮮只係買咗4100YEN
帆立貝真係好大粒好新鮮！我都唔記得咗係1000定1500YEN！真係食佢都食飽啊！
唔使講咁多！鋪滿佢燒呀！！
三條魚好肥美～ 啲蠔我地係生食～ 好味
最貴係呢盒C嬸嬸自己走咗去買嘅急凍海膽～ 佢好想食海膽！ 1500YEN 但係雪到冰晒！
真係好好味架～ 海膽燒熱佢都好好食～ 好奢侈啦呢個早餐～ 蝦都好爽好好味！新鮮～
我好有心機燒魚架！燒到脆晒咖～
條魚入面有好多春㗎～ 好好味
食完記得要自己執番乾淨啲嘢！要自己羅去分類掉～
我竟然無影低燒比我媽食啲嘢⋯⋯太過分
阿媽好快手食完D海鮮！就好快手去做佢最重要嘅嘢～ 佢終於可以買蘋果啦！
向我燒嘢食嘅途中佢應該已經睇定咗～ 佢完全諗都唔使諗首先就話要買呢一箱蘋果！
好鬼大隻架～ 當然一箱係滿足唔到佢啦～ 好快手地就買多包王林蘋果！
D桃都好抵⋯⋯點解我會冇買咖？可能因為我買咗個蜜瓜又比我阿媽D蘋果嚇一嚇⋯⋯先冇買
八戶市場除咗海鮮同生果嗰度都仲有其他嘢買嘅！
最最最最重要嘅一樣野⋯⋯原來八戶市場係有牛肉買架！我竟然返到香港先知道～
佢即係要我再去一次青森⋯⋯我真係好掛住D帆立貝！真係好好食～
食飽飽十點幾走人啦～ 下次再見！相中係八戶市場對面～
沒有留言:
張貼留言