今日好似比較簡單，天陰陰觀光就唔去啦～ 3點就去到 維克 Vík 酒店 CHECK IN
但佢竟然未有房住！今晚酒店都唔平咖，跟花樣青春住同一款房折實都成 381美金一晚
佢明明話2點開始 CHECK IN⋯⋯ 3點都未有房⋯⋯今日未食午餐唯有去食野先
酒店有SHOW 極光指數⋯⋯今晚極光指數係 2⋯⋯ 唔駛咁大期望
之後揸車去花樣青春去過既餐廳～ Restaurant Sudur Vik
好彩佢地無中場休息～ 一樣有得食
3點幾食都唔知係午餐好定晚餐好 😆⋯⋯ 天氣唔好遠方個海你睇得唔清楚
呢到都係興一次過上晒食物，除左個湯超咸之外，其他都係好食既～
今餐食左 ISK 10900 仲平過昨天午餐、不過無咩肉咁⋯⋯大家話夠飽就得
食飽飽個天好少少～ 見到遠遠個海嗎？ 幾舊石個到就係黑沙灘另一面
依家先 5點幾咋⋯⋯今日真係夠晒 HEA
返到酒店終於有房～ 因為呢間係酒店、所以係無廚房，叫做有兩層，下層係大床（忘記影）
呢到係上層～ 除左焗左D 外都還好，暖氣太勁
洗手間加浴室都算寬敞
酒店嘛，都叫有 MINI BAR
我地當晚當然十分得閒啦，但好可惜房間 WIFI 收得超級差⋯⋯
咁大家得閒就去酒店大堂上下網～ 涼快下～ 仲聽到好多廣東話
凌晨兩點幾訓醒左一轉⋯⋯自己揸車出去轉左個圈⋯⋯上左教堂 Vik i Myrdal Church
可惜我無花樣青春咁好運向維克見到北極光～
明天會更好，明天好天呢～不過又話大風
網誌管理員已經移除這則留言。
回覆刪除