DAY 9B-英冰荷極光之旅16天-19年2月10日- 再見冰島～

今日都仲有大半天就去埋 [花樣青春] 去過嘅 Kolaportið 跳蚤市場

我就多數淨行唔買野~

羊羊蠟燭都幾得意~  不過我唔用...影下相算啦~ 最後得 C嬸嬸買左樣野比佢女做手信

之後去埋附近食話冰島必食熱狗 Bæjarins Beztu Pylsur

2個 ISK 940 以冰島來講又唔算貴~  不過必食就一定誇張左...路過食下都OK

之後就去入埋最後一次油~ 

2月去冰島其實唔錯~  一來無咁大雪, 二來又唔會太早天黑, 當然係講緊無風時啦

昨晚搵下今日去邊好...搵左呢個 Viking World

入場要比錢幾十蚊港幣到, 團友向玻璃見到架船就話睇左啦~ 可以唔駛唔入啦,
我就當然無所謂啦~ 哈哈 向北歐時都睇左兩次維京人

如果個個旅客都好似我地咁孤寒就慘羅~  哈哈

偷睇完船就睇下好寧靜之風景

今日係凍左~ 但無風就差好遠

如果無風又有太陽...負數我都OK

維京人都係咁卡通

對不起我地太 CHEAP~ 走啦! BYE BYE~ 

迴旋處都有型過人

之後都無咩地方打算去就搵間 CAFE  HEA 下~  飲杯野~ 睇下食D野

Library bistro / bar

呢間餐廳向酒店入面~ 出面係超過平凡差D搵唔到...入面又好靚下~ 

佢唔係無客, 係我避開左客人影~

真係向冰島最後一餐~  唔駛講一人一杯 cappuccino咖啡先! 幾靚~

冰島餐廳都唔錯~  次次都自動提供水

呢個就係我今朝買既唯一記念品~ ISK895  1號公路地方名匙扣~ 有兩個地方都只係經過

最老果兩位嬸嬸都未餓~ 叫沙律 SHARE 佢地食少少啦

 我同 T嬸嬸一人叫左一個牛扒蛋~ 

嘩~  牛扒唔係大舊~ 但煎得十分好!!! WONDERFUL~ 好好味!!!
最後一餐想豪D都唔得~  佢地都唔太餓~ 哈哈  ,一共食左 ISK 11170 六百靚港幣到啦~

餐廳去機場其實真係好近...我放底晒佢地去機場就自己揸去還車
8日合共係揸左 1862公里~ 安安全全還車~

點解影佢? 第一次揸有電動向前後移動功能~  十分方便! 所以要好好記念一下~ 

辛苦了你~ 揸左你8日~ 安安全全無花無爛還車~  我仲買重晒保險

我同車公司買晒全保...佢睇都無睇就收左匙

冰島租車我睇左好耐...事關好多全保都包D唔包D~
 LOTUS 個全保算係唔錯~大家去冰島時可睇下~  冰島整車費堅貴咖...唔好慳保險
因為4個人之前 RENTALCOVER 平我都額外買左~ COVER 全面D~ 不過依家好似貴晒...

今日真係十分好天~ 機場幾清楚見到!

今次有時間就搭免費 shuttle bus 返機場~ 

無入定油去機場~  附近都仲可以入油

其實自己行去都好快~  不過剛好有車就搭下

BYE BYE 啦~ 

入去搵返3位嬸嬸~  寄完行李3點4到~ 都仲有個幾鐘先飛~

入閘後買手信最後機會~  入面都有唔小商店~  朱古力都唔算貴就有買~  幾重下咖

啤酒唔岩我

藍湖護膚品~ 唔平咖

之後搵個靚位放低野再慢慢行

呢個茄士咩冷帽難得岩我帶 [頭大] 我都好想買...但係好貴下...好似成7百幾港幣...買唔落手

睇下好啦

冰島機場好適合影相

冰島野食

十分貴的海參同鱈魚膠...香港果D唔知係唔係假~ 哈哈 平佢好多

好靚

冰島三文魚

5排加埋成 1KG~  百幾蚊港幣 ISK 2455

我地4點9 飛機~  好彩4點就開始行去閘口...完全忘記左仲要過關 (好多人要排隊)...

好彩最後趕趕地都平安無事上飛機!!! 再見啦冰島啦~

要成兩,三個鐘飛機~ 點都買左小小野上飛機食下, ISK 320 貴過超市 , 機場買係咁上下
去冰島記住食乳酪~ 真係好食D~ 又低脂!
LONDON~ 又來返來啦!