DAY 2A-復活節遊台北5天-19年4月20日-華西街阿義魯肉飯~ 爆滿蚵仔魯肉飯

11點幾落樓下羅訂左嘅野上房~ 幾方便

之後就同朋友出發去食早餐啦~

係唔係發現在有D咩唔岩呢? 點解多左個朋友?? 朋友係 C嬸嬸個女~
聽到我去台北又話想跟埋去...佢係出發前好近先買機票...張機票就貴羅...
所以佢昨天早過我到台北~ 我地住同一間酒店, 不過一人一間房~ 昨天太夜就無搵佢啦!

行去西門町仲打算食佢做早餐...GOOGLE MAP 又無話放假!!! 頂呀~

路過 朋友買左杯

我試飲左一啖

之後要轉去其他地方食野~ 

之後決定行去華西街食 向IG 見到爆蚵仔魯肉飯

行行下都熱熱地咖

OH YEAH～ 行左十幾分鐘終於行到華西街夜市

日光日白去夜市都有野食嘅～ 我都係第一次來！

好順利搵到佢！仲有開～

唔好咁傻坐出面呀～ 行入去有冷氣舖可以坐～ 自己搵位，要搭枱～ 十分多人

魯魚肚~ 肥嘟嘟~ 啖啖肉~ 要食!

魚皮湯~ 怕腥就可能唔好叫啦~ 我唔怕⋯⋯唔知腥唔腥

哎呀! 我唔記得叫走蔥! 我睇人地 IG 都無蔥!!!

左面自行走蔥後~  右面撥開蚵仔先見到D魯肉! 好味道~ 超滿足~~~ 蚵仔十分肥美!

呢個後加~  行過見人食好大舊骨~ 又叫左~  清清地豬肉唔鞋~ 正呀~

今餐食左 TWD490 呢到要比現金

下次再去台北我都會去食～ 蚵仔粥都好吸引！