又來新一日~ 9點幾起身見到天氣好~
酒店其實係包早餐..不過要去其他分店到食...但我出得門都過晒時間~
算吧啦...自己落樓下行去對面買個胡椒餅仲開心~
酒店~
等 H小姐期間走去睇下邊到搭巴士~ 見到呢間野飲店好靚
食住胡椒餅等 H小姐~ 11點啦都
我地搭左 1小時巴士去到天母附近
都要行一陣先到
到啦~ 士東市場~ D人叫佢做文青市場~
有19間店面獲文青裝修~ 令市場年輕化~ 入面又有冷氣又乾淨...唔錯~
咖啡店來
我地向下面行左一陣~ 生果檔D野係貴D~ 不過都係靚貨~ 仲有得試食
蕃茄仔好貴, 不過真係十分甜, H小姐買左盒仲即時食左大半盒...好誇張
上一層係有野食~ 十分多人呢
上網見人介紹呢檔 桐伯豬腳
好耐無見人提供過用摺紙盒放骨頭, 以前屋企食飯都有人摺過...
其實我都幾中意台灣魯肉飯~ 又平
十分漂亮的煎虱目魚!!! 好脆下~ 不過脆就多油左，但好大碟下! 中意食魚就好
H小姐叫 什錦麵...我唔中意食什錦野...無試
豬腳~ 睇相都唔錯啦? 好淋~ 入味~ 入口膠住個嘴! 正呀~
最後都仲要叫多個炒蛤蜊~ 夠味~ 好食! 今餐只係食左 TWD440...好平羅...香港食風啦...
提一提大家坐位要自己搵，無服務可言、不過香港人都慣咖啦？
我見佢向 GOOGLE 被人狂話態度極差...哈哈...路過可試下羅~
食完向 2樓轉個圈~ 見到芋頭牛奶...其實我真係好飽下...不過都要飲
牛奶+芋泥+冰~ 已經好好飲!
之後落樓下買埋好貴嘅車厘茄就走~ 見街市對面有檔大生果走去八下~ 買左兩隻芒果!
再見啦~ 地點其實真係唔太就腳~ 不過行下都好
行返出大路等巴士返酒店~
車厘茄係 TWD160!!! 不過真係好甜好甜, 金煌芒 TWD 234~ 好重咖 芋頭 TWD160
菠蘿昨天超市買~ 佢地日日向到涼冷氣~
3點到返到酒店~ 之後 H小姐又要訓下休息下~ 我約左 C小姐一陣去唱K
沒有留言:
張貼留言