之後去伊良部島秘境三角點、IG熱門打卡點～ 揸到附近自己睇地下～ 見到佢就到左！
當然你都可能見到有車泊向側邊就一定岩！
行入去唔係好耐⋯⋯幾分鐘到
但係最辛苦係有個超深大水氹～ 你要踩住啲樹根爬上去，有濕泥！
我媽好叻堅持到最後，另一位嬸嬸放棄回頭走咗～ 比埋車匙佢坐下等我哋
落雨、大風唔該就真係唔好去，因為行到入去得好窄地方，無圍欄⋯夠10個人排排企到，
跌落去真係死得咖～ 少少辛苦上到去就見到咁～ 真係嘩嘩嘩咖～
今日太陽夠晒⋯⋯晒到D沖繩藍出晒來！
真係十個夢幻的藍色
我實在唔敢行太出，下面有人浮潛，當然係坐船去浮潛啦
下次啦！ 下次我又要去浮潛！
好得人驚咖，我見 IG 有人夠膽死坐崖邊自拍～ 我地行出D都驚
落多兩眼！真係好靚～
秘景繼續向前揸就另一個景點！
有名睇啦
剛剛向秘景就影到前方崖尖
無無聊聊下又想試下影排排企，可惜又係失敗左～ 影得3個
一條路向前揸就去到 佐和田の浜
附近就係機場啦～ 遠遠有條橋向海叫 17END
仲有時間去景點～ 通り池，都要行一段仔路上去
主要就係睇兩個長期被雨水，海浪浸蝕出來天然池～ 水會互通到大海
池一
池二
池二影多左張就應該佢靚D～ 哈哈
好啦～好啦～ 旅程最後一個景點啦～ 叫 17END，向機場跑道隔離！
以前可以揸車入去依家唔比啦，兩位嬸嬸完全無打算落車，咁我一個人快腳行一陣！
可以揸入去就好啦，真係幾晒幾熱
真係有人落去浮潛～ 同玩水⋯⋯
以前比揸入去，依家唔比
我地一陣都會飛咖啦
其實最多人打卡係好前好前可以行出海條橋，但原來咁差遠，救命啦！我真係唔想再行
唔行當然就走人啦！熱爆！！！
好多人來咖，你可以兜個大圈去另一邊咁就唔使行～
之後去油站～入滿油就去機場羅～ 入油入左 3386YEN
宮古名物假交警「宮古島守護君」，間唔中會見到，佢塊面白色咖⋯⋯
黑麻麻揸車打燈見到佢⋯⋯真係～ 哈哈
4點幾我地就順利還車啦～ 前兩日都無心機影相，今日影返啦！下次有機會再見～
機場新開係幾靚的！
叫做手信區～ 最左面都有熱食賣
由於機場細，佢唔會咁早放你入侯機室，你就向呢個咁靚嘅機場坐到開放先入去
似唔似 LOUNGE？
今日機場系統壞左⋯⋯登機證係手寫，CHECK IN 條隊大排長龍！我地好彩早到～
上機前有散銀～ 買枝野飲
最後都 DELAY 左一陣～
睇埋晚霞就上機返香港啦！再見～
今日買嘅戰利品～ 甜左少少但幾似光酥餅～
仲有佢地
之前北海道買西瓜實在太好食，今次見沖繩都照買啦，不過唔太得，皮厚⋯⋯唔太甜
好啦～ 3日「半嚇死宮古島旅程」又完左～ 希望之後可以同朋友去多次啦！
下一個旅程又係日本啦！得閒來睇啦～～
沒有留言:
張貼留言