我地40分鐘就去到今晚住宿白骨溫泉～ 呢到真係夠晒穩密⋯因為我太怕單程山路所以比錢行付費道路～ 但越近溫泉山路都一定有窄同闊嘅路，所以早左去溫泉都好！
第一次入住秘湯
極喜愛浸溫泉嘅人都中意去秘湯，有時可能成個旅程都專揀秘湯先浸，秘湯有平有貴，有新有舊，我就無特別喜愛⋯⋯所以一直都未住過，因為有時要打電話先訂到⋯⋯太麻煩
上年東北之旅秘湯一係太古舊，一係太貴⋯⋯所以都放棄左
我就只係向一休到訂唔駛煩，如果經常會住秘湯就去秘湯網站訂，每次住都會有一個印仔，住夠十晚可免費一晚⋯⋯我相信我都唔會住十晚秘湯
呢間向白骨溫泉再入DD 秘湯小梨の湯 笹屋 見都幾多人推介
無電梯，入住時有位妹妹搬我羅行李上房，房間有洗手間已十分好！
行李妹妹好忙，上茶點都係佢
休息一陣我地就去浸溫泉，難得咁早入住
去浸溫泉要落樓，行去間屋上樓梯
因為我地早所以豪無難度就可以入到露天貸切溫泉，不用加錢，無人就可入去
但問題來啦⋯我唔見有花灑沖身⋯無可能唔駛沖乾淨就浸⋯所以影左兩張相就走人
之後問網友，原來右手面地下果兩個小小水喉就係用來沖涼⋯⋯聽朝相有影
之前都見人話細細地一個人浸會開心D，唔緊要啦依家影左當浸左，凍凍地去室內浸
返落去又再行下又要上一層先去到室內女湯
室內都唔錯一樣係包場，白骨溫泉 2008年去十幾日日本時睇書見到個名己記得，一直都未有機會去，以前自己搭車去都會幾貴，因為要 JR ＋ BUS⋯⋯
講返溫泉水係白色硫黄溫泉，但又唔係臭蛋味硫黄溫泉，有美肌効果浸完都滑左D
以前開始相傳浸三日就三年唔會感冒，呢個我證實唔到
唔行得樓梯嘅人就唔好來浸啦，唔行真係無得浸
返房等夠鍾食飯～ 岩岩休息站買的
6點我地就去食飯啦！
一定要睇住有咩食
開餐羅～ 賣相都幾精緻，酒就唔記得梅酒定蘋果酒，似蘋果酒多
立眼睇返應該係 冬菇，松茸，鴨胸，蘿蔔岩魚卵，信州鮭
有佢十分好可以滾熟晒生野
山藥同菜
兩款豬肉～
我知佢有馬肉刺身，訂房時已寫明「馬肉、熊肉-食べられない」，佢轉左魚刺身比我地！
我仲可以煮熟佢！VERY GOOD～
舞茸湯！！
呢舊 そばがき 真係唔岩食⋯水煮石磨蕎麥⋯真係一舊粉團，佢有比醬油你⋯但我唔食
岩魚竹葉蒸～ 用信州味噌蒸3小時，好淋，甜甜地～骨頭都可食埋
炸茄子，好多甜味噌醬
今日真係要食佢先飽
奶凍加桃定梨呢
食飽飽最緊要行出去影下個秘湯燈籠，唔知幾時先再會住秘湯
食飽返房休息下
8點幾我地又去浸溫泉啦～ 又無人。。。
呢到叫你可以飲少量溫泉水
食飽～浸完～早D訓啦～ 我地凌晨三點比行雷閃電嘈晒左，堅係超級大雨
大雨到好嘈，睇電話天氣APP 係雷雨警報⋯⋯真係嚇死寶寶⋯⋯
不過我地一樣照訓，起身先再算啦～ 早抖！
沒有留言:
張貼留言