因為我想食紅豆包, 點不知呀媽放左向車尾~ 咁羅野順手影下啦...真係迫無可迫!
休息食過紅豆包先~ 幾多紅豆
1219分我地就入左高速啦
今日係平日⋯平日都塞車！3點幾我地就返到首爾！先送團友母女去弘大酒店！佢地會住兩晚～
我同呀媽最後一晚～出發前見首爾康萊德半價⋯⋯就豪一晚訂左！仲有免費泊車
不過佢有分酒店同非酒店泊車⋯⋯搵入口都有啲難度！
學人訂左行政樓層房～ 折左都要 242,000.00 KRW 一晚！
兩張大床～ 點睇都好舒服啦
幾闊落咖！
返到首爾個天陰陰！見到少少漢江都唔靚囉～ 貴野係唔同啲～仲有 DYSON 風筒用！
5星酒店浴室都夠大啦
浴室都有電視睇
行政房包行政樓層雞尾酒時段同早餐～ 但呢間CONRAD竟然係熊仔送⋯澳門都有⋯
房價包埋無可能唔去睇下、食下
環境好好呀～ 都幾多人！有甜品、熱食、小食～ 好多我唔飲嘅酒～
沙律
好靚喔
今晚我地會去馬場洞食韓牛～ 所以少少地食下～ 坐下飲杯野就算！留肚！
之後就準備去接團友
CONRAD去弘大其實都唔遠，但繁忙時間都幾塞車～ 我地都 8點鬆先去到馬場洞！
付費停車場爆晒⋯⋯見成馬路都泊滿車唯有一齊泊下啦～ 唔會比人炒牌呱
HELLO！我今次4個人來食啦～
呵呵~ 終於食到一大盒牛肉啦~ 990克~ 今餐係我嘅領隊費, 團友人地個女埋單~
1++ 韓牛有成 6個部位 睇見都開心~
已經食左幾次唔再影D前菜啦~ 自己出去夾~ 都係薯蓉最好味!
準備燒啦！
團友女話 1++太油~ 好流~ 哈哈～ 唔緊要, 我會食多D~
人頭費加一個白飯~ 團友兩母女點都要食個飯頂一頂~
最後一晚食埋韓牛～今個旅程又尾聲啦！
先送團友兩母女返酒店說再見～ 我同呀媽就去超市最後沖刺！
5KG 梨～ 我地好努力向超市行到 11點半先返酒店！
最後一買成績驕人
呢個真係堅平！係汗蒸幕啲麥飯石～ 熟晒咖，返到香港都唔會爛！
呢個真係堅重呢～ 不過我行李大把位！同大把KG 可寄～ 哈
聽日唔係夜機，所以聽朝都完全放棄去第二度～ 好好向酒店嘆完先返香港啦！
好好沖個靚涼～ 再慢慢執行李！
沒有留言:
張貼留言