今日呢間酒店先係戲玉！The Murray Hotel 美利酒店
今晚 PACKAGE 成 $3300 兩位咖⋯包4道菜晚餐＋半自助早餐＋下午茶套餐
CHECK IN 職員位位都係男職員，幫我果位應該有成 185CM～利害！
房對出風景就係咁！我人生第一晚向港島區酒店訓一晚～ 哈哈
N1 DELUXE 間房有成47平方米! 有個廳～好寬落！ 仲有張圓枱～
房卡都靚過人～ 仲有好甜拖肥糖任你食！
全程最唔滿意就係 CHECK IN 時佢明明話已準備左兩張床，入到房都係得一大張⋯⋯
床架係分開...可能執房員之前兩床舖到變左大床...又無改返!
最重要係佢地十分繁忙打電話係無人聽⋯咁我影埋相落COUNTER搵人~ 結果都係得個吉
最後算啦⋯叫佢比多張被我
呢個一定要影～ 對拖鞋真係堅舒服！試著完就帶左回家！ 呢D咁私人嘅野我相信佢唔會回收
一樣有好多 TWG 茶包～ 咖啡就得 3個
成個雪櫃下面得中間兩枝手工啤酒係免費～ 但帶左回家都未飲～啊
又沖杯咖啡先
呢間酒店係網紅打卡酒店～ 位位靚人都好中意向浴室自拍下～ 玻璃禁個制就唔透明咖啦
5星酒店嘛～ 沖涼房係真係幾靚嘅！
朋友話貴野～ 我唔識啦
洗手間另外分開同裝埋有智能廁所板 （住左幾間酒店只得呢間有）
影完房見有藍天白雲就出去轉個圈～ 影埋D打卡景點先！
酒店前身係政府辦公大樓美利大廈，其實我之前都唔知有呢間酒店！
之前呢啲酒店咩都唔包可能已 2千幾一晚，跟本唔會有人叫我訂
呢到就係必拍網紅景點，由於太多人嘅關係我只係影上面
仲有呢棵百幾歲嘅樹都好出名
想有人聽電話真係好難，佢哋真係好忙
好啦遊完一個圈～ 就返房間開餐！我仲有一個海底撈～ 又帶咗包薯粉所以都夠我哋兩個食
有張枱響度真係好
海底撈會發出蒸氣㗎～ 擺入沖涼房等 15分鐘～保證安全！
本身已經有一小個薯粉仲要再加多個薯粉一定飽！麻辣落一半都夠晒辣！牛肉都幾好食～
電視仲有韓國台～一開就係李昇基～ SO GOOD！ 扮去旅行
食完辣野～ 酒店就送左生日蛋糕來啦！嘩～ 好掂呀！真係比錢買都唔平~
SIZE 好好～ 唔係大唔係細！兩個人都夠晒！仲要係好滑黑朱古力～ 我媽好中意
食完野～ 休息完我地就去游水啦！呢到游池係用停車場改建，所以都唔算好大！
設施唔夠昨天 THE ICON 方便，男女沖涼更衣室各得一個⋯⋯游完水想沖埋涼真係有D難
返到房 6點半~ D樓開始有燈啦~
食飯前又再轉多個圈~ 希望影張到少人D~ 但都 KEEP 住有人~ 哈哈
無聊影下
大堂就終於靜晒啦~ 我相信大家比咁多錢都唔會成 7點先入住啦~ 係唔係?
6點9我地就去到餐廳啦~ 酒店個口罩套好靚呀~~~ 係膠 FILE 咁 (全程比左6個)
酒店套票分好多款, 有D唔包餐, 有D包3道菜, 訂時揀岩自己中意就得啦!
麵包籃~
我地個套票龍蝦凱撒沙律不用加錢~ 有D套票要加錢
真係算多龍蝦肉同幾大份下! 果然係招牌菜
呢兩塊脆包用來餸湯一流! 好脆身~
蕃茄藏紅花湯~ 有青口同米粒意粉, 份量都唔算少
澳洲和牛~ 好好味! 本身應該係充滿油分! 食落有油又嫩~ 不過男士就可能細左D!
魚都煎得幾滑~ 唔錯呀
最後到甜品~ 雖然生日蛋糕已食左朱古力~ 不過都一樣一份試下!
酸甜脆脆都唔錯~
食飽飽回房~ 呢兩枝係比你噴枕頭話會好訓D
兩枝手工啤
沖完涼~ 浸完浴就睇下有咩好睇~ 酒店都有免費電影~ 個電視其實好大但D中文字幕實在有點細
睇左半套戲就訓左
咁又第2日啦! 8點幾就去食半自助早餐~ 話半自助其實出面都幾多野比你夾
我都好想食個菠蘿包~ 但太大個啦
佢啲酥酥唔夠脆~ 中意食糕點就不得了...
有 MENU 比你任叫~ 睇住自己個肚叫好啦
FIRST ROUND~ 影張 IG 相先!
一定要叫杯咖啡呃呃 LIKE 先~ XO醬炒腸粉人地話好食一定要試~ 係唔錯的
呢D都係自助夾
法式西多士 ORDER 先有! 正呀~ 堅好食! 但太飽想再食都食唔落
呢D 都係 ORDER ,牛肉麵就普通啦~ 麵太多太淋~ 個蛋蛋不過不失
呢個法式甜品真係太甜
食埋佢地真係堅飽!
食到勁飽返房要好好休息下~ 睇埋果半套戲~ 又再睇多套戲 成1點先再去游水~
因為下午茶安排左去4點半~ 所以我地4點先退房~ 3千幾蚊可留向房留返夠本~ 哈
最終我地都早走左少少 3點9就去左 TEA LA~ 有兩SET 比你揀~ 睇下自己中意食邊 SET
我當然又要叫杯咖啡影下相啦~ 我媽就飲茶
平時向香港我絕對唔會比錢食呢D 英式下午茶~ 一來貴~ 二來都係貴~ 哈
呢到比錢食要 7百幾蚊...我情願食餐好D
呢堆野實在無能力食晒~
一人食一個鬆餅其他全部帶走
呢盤係咸的!
甜的
龍蝦沙律
呢個係蕃茄西瓜芝士~ 我覺得幾好食WOW~ 西瓜水份高咬落去加埋芝士真不錯
最後我地好努力坐左一小時~ 終於要回家羅~ 酒店個外賣袋真係大到同靚到呢...
雖然兩個人要成 $3300 但包左咁多野食同可以住咁耐~ 房間都幾大下! 我地都覺得係值嘅 !
今年生日應該都仲未飛到~ 到時睇下又去呃個蛋糕再住過~
沒有留言:
張貼留言