食完下午茶，再揸出去市中心轉左兩個圈都搵唔到免費泊車，
最後泊左去個大公園，行下再行去旺區
好難得去到盡頭搵到個車位 😅
環境好優美
果日好差大風，公園又好大
呢棵樹好犀利
四位團友圍住佢⋯⋯都係圍得果少少
呢度啲樹SIZE真係唔係講笑
周圍都有好多聖誕樹
浪住樹枝都咁有型
好啦～ 好啦～ 行到見到風景⋯⋯ 瓦卡蒂普湖
啲水清到呢， 我有摸過啲水都好凍下
皇后鎮有好多付費活動，你有錢可以遊船河嘅， 當然我地就唔會啦～哈
睇吓風景咪算囉
度假勝地
行下行下仲有個遊樂場
立眼都幾似挪威果海峽
雖然係夏天但係都好涼下㗎， 到底點樣游水
新西蘭啲紅葉、銀杏啦都好靚㗎，有機會一定要再去
唔去遊船河就影多兩張相
大部份舖頭都收工囉
有啲做遊客生意就未收，可以入去行吓
話說朋友叫我買啲 麥盧卡蜜糖又真係好貴下， 香港買仲平
最重要去當地好出名間漢堡店望吓， 真係超級多人囉
因為都食飽所以都冇諗住食，睇吓聽日有冇機會食啦
皇后鎮真係最多人
羊仔國第一次見到 STARBUCK~ 都幾多人咖
行返去攞車經過
攞返車之後仲有時間～ 又去超市囉
八點未夠又去到超市
今次係另一間
發現有無糖薑啤、仲有青檸~ 最緊要唔貴，港幣十幾蚊一大枝~ 要買來飲下！
附近仲有間 KMART 有時間又未收~ 又行下羅！ 行完就返歸啦～
今晚九點幾先開始煮嘢食～ 因為聽日唔使趕路、又唔趕時間～
呢盒雞全翼勁抵達!! 港幣四十幾蚊有成十幾隻!!! 仲要醃埋辣辣地~ 正呀
焗爐係最偉大咖!!!! 一野焗熟晒仍地啦~
見有新野又試下, 青口好食過佢
今日呀姨揀晒 D 超級大隻青口
焗完雞翼個爐仲咁熱~ 當灸當然都要一野焗埋佢地~ 唔駛煩
今日發現有無糖薑啤!!! 正呀~ 扮瘦岩呀~
晚上10點開餐～ 簡簡單單咁又一餐
好好味呀～ 正呀！超抵！
晚餐後仲要食下個瓜瓜~ 我記得都幾甜咖
食飽飽冇嘢做！就出門口望吓個天～ 好多星星呀～
我其實都唔係好識影星星相㗎咋～ 即時返入屋搜尋下點影！
因為今日好大風！又有雲～ 啲雲吹得超快～
由於我唔識得齋影星星，所以點都有其他嘢一齊先影到
而家科技真係好先進㗎，手機download星河app就可以見到邊度有星河
嘩~~~ 終於無晒D雲啦!!! 仲唔知點解影到藍色出來~ 哈哈
以我臨急抱佛腳...影到呢張小銀河相出來！我真係覺得自己好叻咖啦!!!
之前住成三千幾蚊一晚都睇唔到星星，今晚完全係意外收穫實在太開心！
沒有留言:
張貼留言