瞓醒覺又食早餐啦，準備返到新加坡
響飛機搵定班蘭蛋糕響邊，因為我哋轉機每人係有 SGD$20 coupon！
但係上年朋友轉機同佢睇下，發現疫情之後就冇咗轉機coupon⋯⋯SO SAD
十幾日之後我哋又返到嚟新加坡啦
響新加坡時都仲未感受到疫情嚴峻
坐去T2係會經過商場
因為都仲有時間，咁我哋就去lounge沖個涼先
又順手食少少，不過真係好飽下
返香港時終於開始覺得有少少疫情嚴峻，因為架飛機都幾小人，不過啲空姐暫時都仲未戴口罩
食完呢次班蘭蛋糕就估唔到要闊別幾年後先有得食
我都唔知有冇食過呢包米不過我記得佢係好平先至買
好啦，呢個新西蘭之旅經歷咗四年終於寫完。。。
當年疫情大爆前我地好彩都叫玩完咁多日～ 無事無幹返香港閉關幾年
我都知而家係興VLOG，我啲遊記又唔係特別吸引，所以都真係幾懶⋯⋯
都係果句，N年後睇返自己去旅行遊記都真係會開心，雖然慢但我都會堅持打晒！
好啦，最後講下租車後事～
話說我架車係買咗全保 NZD$283.50，但第1日同第2日就自己 HIGH花左，
咁因為都唔係大意外，又無話一定要報警，之後我都再無發生任何HIGH花事件
8/2 我連埋相 REPORT左比車公司，不過佢 10/2 都扣左我 1950NZD
因為佢話要我填表解釋意外事件，再CLAIM返保險，除左填英文外，仲好似要畫圖～哈
最後 14/2 佢就話會REFUND 返 2000NZD ，其實都算好快
所以保險真係要買，唔理你揸車叻唔叻都有機會有輕微意外
發生輕微意外時，鎮定啲影多啲相， 如果唔涉及其他車輛，應該都冇乜問題嘅
但如果真係HIGH 到人地架車就要報警啦，保險係會包，只係煩小小
好啦，23年開關後其實我都去左好多次旅行，不過之前讀書懶晒，大家有空就再來睇下啦！
俾啲反應留下言啦，我求其放D旅行MOVIE去抖音都有人覆下我～哈哈
沒有留言:
張貼留言