DAY 1B-峇里島開關之旅-23年1月7日-黑沙灘 The Royal Purnama

好順利，好快就入咗境，之前響香港已換定左印尼盾同向KLOOK BOOK 左半日車~

只係搵到司機就可以去酒店啦

由於司機到左我地都無好好影下相～。就上左車去酒店~ 哈哈

峇里

峇里

本來我係訂左半日車，但見個司機都好似唔太識英文，我地酒店又唔係向市區

來時見想去果間朱古力店塞車，最後我都係叫左佢走了~ 

因為包車都唔係貴，留向酒店唔出去都OK~ 因為都5點到

CHECK IN 時一人一杯 WELCOME DRINK~ 酸酸涼涼~ 正!

經過十幾分鐘我地可以去 VILLA啦~ 仲有車仔搭, 其實行路都好近~ 哈

訂房時我都無為意佢有個 MINI 廚房~

衣櫃

D裙仔我地都無著

VILLA 最唔好就係  長期都係大床~ 不過佢係特大床

VILLA 一定要有泳池啦~~~~

登登登登~ 嘩~~ 忽然覺得自己好豪 住 VILLA~ 

佢比我想像中大~ 真係算係咁, 向香港STAYCATION 時有D 酒店泳池仲細過佢~ 哈

水係乾淨~ 但都要等酒店D 人用網撈下D葉呀、其他漂浮物~ 

SO HAPPY~ 真係大大地咖

佢係擺設~ 我無坐過~ HAHA

影完房就當然要出去行下啦~ 相就真係睇唔到...

地下係有超級多黑色毛毛蟲...我真係唔會影所以比唔到你地睇佢有幾多!!!

唔係講笑...真係成地都係...CHECK IN 果時向室內已見到....CRAZY

我有研究過...佢係駁落去

酒店每晚都有一個主題晚餐~ 本來今晚係諗住包車時出去食~ 不過懶到車都唔要

OH~ YEAH~ HOLIDAY 呀~~~ 終於不用閉關啦

我幫呀 K 小姐向到都唔知影左幾多張相... 差D想打佢

唔記得整張黑沙灘大家睇~  我地就住向黑沙灘隔離~ 不過呢到應該 唔主張人游水~ 

酒店擺設都影左一輪~ HAHA

電話越來越先進~ 依家自拍可以影得幾闊~ LONG TIME NO SEE 

好啦~ 睇下今晚食咩先～ 都係懶，食套餐

餐廳環境都唔錯，見唔係好熱，我哋竟然坐室外（有瓦遮頭），因為其實室內都冇冷氣

K小姐識咗我咁多年， 我相信佢係第一次見我咁豪爽話響酒店飲嘢！因為買一送一，哈

杯嘢飲真係OK啊，買一送一真係好抵

我哋嘅晚餐開始啦，今晚應該勉強算係印尼餐

K小姐話佢食豆胃會脹氣⋯⋯佢又唔早D講， 唔食得豆嘅人就唔好食啦

呢個餐我記得係OK，又唔係唔好食，但當然亦都唔係好好食，不過環境搭救

食埋個甜品就搞掂

簽個紙就走得㗎啦～ 杯嘢飲為起港紙係四十零蚊買一送一

晚上室內都幾有情調

預告一下我哋咁多餐晚餐都好似係響酒店食

天氣熱嘅地方就當然係多少少小昆蟲，所以呢啲地方都係影張相就算

仲見到個好光嘅月亮

我哋仲好浪漫咁響度睇星星

食飽飽行返去都唔遠

返到房已經係八點幾，我都唔記得咗返到去做咗啲乜嘢

有少少印象好似係沖涼房半露天，又有D四腳蛇向牆，可能驚下趕下

之後咪咪摸摸咁就變咗我哋第一日完結～