今日包左半日車去Ubud, Bali Resort | Mandapa,
a Ritz-Carlton Reserve 食Brunch
12點半開始~ 我地12點去到酒店~ 無錢住...去影下相先嘛, 幾千銀一晚…攪唔掂…
呢D貴野酒店佢都唔驚你白撞， 因為大門係有人守住，要有BOOKING 先比入
中意靚，中意自然環境...呢到真係岩晒。
香茅?
去餐廳係要等專人電車仔車你去，落去時條路都幾斜幾刺激
65萬印尼盾一位~ 我睇返我地兩個人係 HKD802
餐廳係無冷氣…好環保...好彩又真係唔算太熱(初初)
我地個位仲見到激流
好啦~ 開始食 小食方面都似係D印尼食物，試下都OK
our buffet, we will serve the best and most famous foods from
all over the archipelagoes.
好睇~ 但又唔算好好食, 唔算勁脆
有個小農場~ BBQ向最後
即場 BBQ 食物~ 龍蝦放題
真係會聽到人玩激流
樣樣試下
佢D合掌瓜超級好食...十個甜
呢杯咁漂亮野飲係可以無限地叫，當你食得耐時就好需要，事關越來越熱
燒青龍都真係好食, 你想食幾多都有，D蜆肉比佢燒到差D見唔到
由於越來越熱，真係要食D冰降溫，人手磨的椰子冰，仲有大樹菠蘿可以加
唔好意思，我一向都中意又咸又甜，個乳豬皮本來可能脆，比佢切完變左唔脆~ 哈
繼續龍蝦吧
真係好味咖~ 加埋D 辣醬真係正~
正呀~ HAHA 仲有新鮮大樹菠蘿，佢係即時拆肉，可能食冰都食飽
開始靠凍飲同靠冰解熱~
係~又係佢~ 其實唔係無野食...只係我一向都不停食自己中意D野
個太陽越來越高，我地就越來越熱，好啦...食飽啦，總結唔好期望好多野食，
雖然比左4舊水但可以去吓呢間酒店真係唔錯，因為真係住唔起啦~ 咁貴
順帶一提…餐廳個洗手間應該係唯一有冷氣地方~ 真係好涼呀~ 幾唔想出來~ 哈哈
食飽就出去參觀下, 我之前好似有睇過呢到係5-6千一晚(當時)真係好貴呀…
佢有人住咖，唔好見我影唔到人
酒店種米係好似真係比返客人食,我唔記得係唔係呢間酒店好似有得體驗插秧同收成
外國人應該好中意呢D, 香港人我相信就真係比較小心7-8千蚊住向鄉下地方
行個圈可能都賺左幾舊水體驗費
我地3點幾 4點先走, 真係抵晒啦~
沒有留言:
張貼留言