第四天06年6月17日首爾5日4夜之旅

由於禁日行左咁多路~個人勁支力啦~ 今日遲左起身~ 成9點幾先起身~ 整好晒野11點先行去搭地鐵!

行緊去搭地鐵~好好陽光呀~ 條路唔係咁長就好啦~
去到南大門勁多人呀~ 人山人海~即時搵下有咩好食啦~ 好肚餓呀~ 搵左好耐搵到條小食街啦! 

門口有d菜色公仔模~ 向門口揀完手指指就入去等食啦~ 一坐底又有kimchi食啦~ 又有蘿白kimchi啦~

當然又係好辣啦~ 樣樣都辣既~ 個到又有凍水任飲~ 未食都飲水飲到飽飽地啦! 等左幾分鐘有野食啦~

真係睇見都辣呀...
其實我係叫錯野...我以為入面有粉絲...點知係芽菜羅...不過又唔係好識溝通~
又羅到來就是但啦~ 食啦...個湯辣得來都幾好飲~ 好似睇韓劇咁羅來送飯啦~ 但佢d肉"鞋"到呀...
今餐唔係唔好食...但樣樣都辣...飲水飲飽lu! 今餐係5000won!
向南大門入面行左2個鐘到就行完啦~ 買左d手信呀~ 就準備走啦~
行去搭地鐵時經過換錢地方就換多一千蚊港紙啦~禁日買野買得太開心了~
換完見到間小食店~ 好似有網友講過既炸熱狗~ 即刻買支來食下啦~

1000won~幾好食咖~ 脆仆仆咖~

食完就行左去搭地鐵去梨花女子大學購物區啦~ 向呢到d舖頭同明洞差唔多~
但呢到就開揚d行得舒服d! 向呢到都買左唔少野~ 行到勁支力啦~

由於太支力~ 坐左向到休息一下~ 個肚開始有d餓啦~ 就搵下有咩食啦~
呢到都有幾多野食下咖~ 西餐~韓式野多~ 咁我梗係要搵d韓式野食下啦~

最後搵左街食辣年糕加公仔麵~ 貪心要食埋紫菜包飯~
基本上係唔會食得晒~ 但見咁平就叫埋啦~
兩樣都好好食~ 個麵係可以兩個人食羅~ 真係幾飽咖~
紫菜包飯食左兩舊就打包羅走~ 食完好滿足離開啦~ 兩樣加埋都係6000won!

食完行多陣就離開呢個購物區啦~ 跟住要搭車去lotte mart買手信啦~
搭車其間有個韓國伯伯好好人同我傾計~ 佢好驚我唔識落車~
仲話二十年前去過hk咖~ 好熱情咖~ 我怕佢d英文仲叻過我~哈哈!!

8點到就到左啦~ 一出車站睇指示好易就搵到啦~ 入到去入面都真係幾多野買~
d野平過便利店啦~ 買手信好地方啦~ 向入面行左成個幾兩個鐘...最後真係太支力啦~
比錢走啦~ 太多野關係~就用紙箱pack好啦~ 行左去搭taxi 返酒店!!!

第一次搭的士~ 搭左4600won!! 唔駛行幾舒服呀!!
返到去洗白白~ 同d戰利品影相!問埋聽日集合時間! 執好行理~ 就訓啦~

 南大門買既手信~

買比自己既~ 無聊野~

  向梨大買既戰利品~ 右手同底個d都係唔駛錢咖~

向lotte mark 買既野~ 咁多都係 31482won!

我既晚餐~好好味~好甜!!  加埋紫菜包飯!

全程送既sample 呀~