香港依家好興網上買呢D 原件冰鮮牛
買好野就開車去今晚住宿地-特卡波湖 Lake Tekapo~
車程30分鐘就去到 特卡波湖 Lake Tekapo~ 個天咁多雲...今晚想睇星星就真係凍過水
我哋首先要去攞今晚住宿鎖匙， 本身我係響Airbnb訂咗間好靚嘅藝術屋～
點不知佢話屋主會返嚟住所以就建議左比第二間屋我哋， 因為呢附近啲住宿基本上都好貴
好似全部都係獨立屋搵公司放租俾人， 咁你都只可以say ok...因為真係唔多選擇~
取鎖匙職員妹妹係香港人~ 真開心來打工旅遊~ 呢份工堅舒服~ 妹妹真好彩
佢提左我地門窗注意事項~ 呢附近好多飛飛飛小動物~ 佢地點都飛到入屋! 好勁~ 一陣會見識到
順順利利去到我地今晚間大屋啦~ 有私家車位、有花園~ 有後園! 仲唔係大屋~
仲有鬼~ 哈哈
間屋真心大~ 一齊都好新
又要準備做大廚
十分 ok
拿拿拿~ 沖亮房見識到果D飛虫仔...真係超多...佢地向通風口飛入來...好彩洗手間門有關...
見到都身痕~ 我無影佢地~ 其實都係一粒一粒細細粒~ 你殺生都會殺極都有
後園~ 叫做望到個湖
K團友影的-ROOM 1
K團友影的-ROOM 2
K團友影的-ROOM 3
K團友影的-幾差大
好啦~ 影完相就盡快出去觀光一下先...揸車出去真係一陣間就到
Lake Tekapo Footbridge
Lake Tekapo Footbridge 行過去有超市~ 不過當然貴D啦
雖然陰天~ 但都無損佢鮮藍湖水顏色
我地旅程中第一枝見到嘅魯凍花~ K團友同我姨十分中意花花的
地標 The Sheepdog Memorial 牧羊犬青銅雕像
好牧羊人教堂以一隻牧羊犬的雕塑而命名，是對過去幫助開創農田和麥肯奇地區的先驅者們的歌頌，永遠銘記下他們的豐功偉績。
Church of the Good Shepherd 好牧羊人教堂
教堂由著名建築師本傑明·伍爾菲爾德·芒福德於1935年建造
真係有人向入面祈禱~ 所以我都無入去！仲可以向入面結婚咖~
呢到係影星星熱點~ 好多人晚上來影星星~ 教堂係真咖,
下午6點~
D 水都好清
新西蘭都算係超級多亞洲人旅行~ 國話、廣東話、日文，韓文都聽齊
新西蘭咁多景點呢到都真係算多人咖啦
散完步我地就回家煮野食啦~
7點半前開餐~ 今日又係午餐晚餐一齊食～ 煮咗唔太紅嘅紅咖喱～ 大量脆脆麵包
今日間超市有呢隻羊架～ 唔買唔得啦！
食飽飽各有各活動~ 我都有出去行下 8點零6分
行都行到出湖邊咖
周圍都係靚屋~ 十分寧靜
薰衣草
我仲發現到有魯冰花~ 即時 WHAT'S APP 比團友等佢地出來影相
過左季節~ 見到已好彩咖啦
少少地都好過無啦
行左15分鐘返去啦~ 今晚都應該冇機會見到星星
9點即有糖水食~ 我由細到大食番薯糖水都好鍾意將啲番薯整爛晒先食~ 哈
話說入夜後個廳有個燈位真係勁多小飛虫, 不過佢地又真係向牆唔會飛...所以都無理佢
不過記得訓覺一定要熄燈~ 佢地真係好似無處不在
沒有留言:
張貼留言