套票包$1000 餐飲消費，食龍景軒寫明一定要食晚餐
睇到龍景軒個名嗎?
前菜、醬料不用另外收費
龍帶玉梨香（半份）
見個個都話一定要食就叫半份試下啦～ 手工菜，薄薄炸衣蝦膠、帶子,加上一片梨，係唔錯！
片皮乳豬 （半份）
呢個上到枱就真係超精緻⋯即係好細舊囉～ 乳豬皮脆得來，中間夾了一塊包，底層是乳豬肉，係好食
椒鹽田雞腿～ 全份
又係見好多人推介～ 我都好耐無食田雞腿了～ 炸田雞腿我又真係第一次食！
佢成隻單骨雞翼咁大隻！唔怕熱氣真係要試下～ 好味的！又滑～
單骨雞翼SIZE 咁～ 墊底係炸白飯魚片⋯⋯價錢咁貴就係向呢D收囉！出面我未食過
黑蒜爆大千蝦球-全份
大蝦一定爽口啦～ 都算幾大隻咖！怕辣唔好叫～ 黑蒜酸酸地～汁就辣辣地咖～ 好味！
陳皮香酥西班牙豬肋條（半份）
呢個我本身係叫全份，落單佢聽錯來左半份～ 因為差不多味味都係炸⋯所以半份都OK
食係好食的～ 肉係好爽～仲要無骨～炸過嘅陳皮都好香！唯一又係好細舊～
黑椒法國乳鴿炒飯（半份）
半份只係一人一碗～ 全晚最失望係呢個⋯黑椒味同乳鴿味都食唔到⋯
我只可話佢係一個比較普通好味炒飯⋯但有得再揀⋯⋯我一定叫白飯就算！佢真係好差貴！
米芝蓮三星份量就係細～好彩無得去旅行後收細左胃口～ 食完都叫剛剛飽
食完就上左個飯後茶～ 勁香桂花味
美點送的～唔知係佢漏左⋯⋯定真係即焗⋯⋯我D茶凍晒佢都未來到⋯⋯最少等左10MINS！
以免費招待簡直係超班～ 左面奶黃酥十分十分好食～ 食埋右面清清濃味口感～ 完結今餐！
向香港食飯帳面計一定係呢餐最貴，如果唔係有賞你住 $500 同信用卡$900 優惠...
我相信我都幾難有機會去食，下次再去四季STAYCATION 我會食片皮鴨～一定慳好多！
食飽飽仲有茶葉同食譜送比你～ 米芝蓮三星就係咁來啦！
餐廳服務果啲唔講啦，一定係好，有機會又有預算就豪一次囉⋯抵就一定唔會係抵食！
米芝蓮三星係講抵食咖咩？哈哈
沒有留言:
張貼留言