香港四季STAYCATION-21年4月25日-海景房體驗，IFC SHAKE SHACK

又係疫情前未去過嘅酒店之一，因為游池開返~ 信用卡夠 $3000減 $900~ 又有賞你住 $500

我終於可以去住四季酒店啦!!! 

CHECK IN 時告知免費升級做海景房...真係勁開心羅~  貴幾百的~

一入房就見到西九啦

雖然今日都唔係勁好天~  但都唔錯呀! 影到九龍好似一個孤島咁

近來去住四季都可能轉晒新裝修房間~  呢間係未裝修! 但保養一樣唔錯~

向房當然要左影右影先啦

生果、咖啡，茶包一應俱全~ 

水係比其他酒店幾十蚊一枝D水你!!! 你飲晒3枝佢晚上仲會 REFILL 返比你~ 五星服務!

有防疫包都係好酒店~ 佢對拖鞋都好舒服 

佢個磅係無壞~ 難得

浴室都係咁啦~ 我都有睇住 TV 浸浴~ 不過畫質就麻麻地

之後去 IFC 搵食

FOODPANDA 外賣有8折，本來係打算買返酒店食~ 但見好多人買外賣都坐向到食

外賣係盒，堂食係盤

我取野食時有問職員外賣可唔可以坐底食~ 佢話OK 我先坐底~ 

兩個人 SHARE 可以食幾樣~  因為有8折好豪咁叫左杯奶茶奶昔~ 好飲~

食完都飽飽啦~  今晚要食好野呢~~~

食飽飽去 CITY SUPER 轉左個圈就返酒店~ 去泳池問左有位就換衫落去

游水都要職員帶位~ 哈哈  幾好服務！

毛巾都要有四季 LOGO

主要有兩大池一按摩池~  呢個無恆溫...好少勇士去游~ 再熱D時一定大把人

呀媽最中意嘅按摩池唔開

呢個就係最多人游嘅大池~ 真係算幾大下咖~  我地游得好開心

我地玩左一粒鐘都夠晒皮~ 走時都多左人

下面係明天早餐 BALL ROOM

如果無升級我房就係望佢地啦

晚餐我就唔再打睇返  米芝蓮三星粵菜四季酒店龍景軒

食飽飽返房~  夜床服務真係做到好足~ 咩都 REFILL 晒~ 連生果都 REFILL 先勁~

有時間我就去左健身啦，我知呢到個健身室係 OK大

望住維港做運動

唔識玩

呢D平時向健身室一定比人霸晒

努力一陣

呢D真係睇 節目見過~ 自己真係唔敢做！

開心嘅時間過得真係快~   禁又第二日！早餐下一篇再講

食完早餐~ 十點到我地又去游水~  唔游對唔住個房費~ 哈哈

一樣都係游得好開心~ 母親大人十分滿意~ 佢話貴都貴得有道理...(又唔係佢比錢)

最後再影多兩張啦

返房扮下野飲多杯咖啡先

住客係可以去 SPA 換衫同沖涼~  不過我只係用佢部乾泳衣機

好啦~ 我地應該係 下午 1點CHECK OUT~  24小時入住經驗實在很滿意~

今次兩日一夜二人消費為 $2589.6 實在係十分滿意~ 有機會有平都會再住下！