半年唔夠又來半島住啦~ 佢又出左一個好抵套票 Golden Staycation $2600+10%
今次係包三餐~ 露台餐廳自助午餐、房內輕晚餐、大堂茶座早餐
又係 FREE UPGRADE 無我地份... 上次住 507, 今次住 509~ 哈哈
點解次次生果都要3隻一樣咖呢? 上次3大隻柑...今次3大隻梨
因為包露台餐廳自助午餐~ 我地 11點幾去到酒店 CHECK IN~ 今次好好即時有房~
可以上房放底野先去午餐, 間房基本上同上次一模一樣我唔再影啦~ 哈哈
露台餐廳自助午餐如果要比錢係成千幾蚊兩個...抵唔抵就真係見仁見智...我就唔會比錢食
自助野食都排得好靚(唔係講我影果兩盤)...話晒高級餐廳費時大鄉里影咁多...是但影左兩張算
源源不絕的日式鮑魚~ 我胃 OK咖,輕輕鬆鬆都可以食好幾隻的
已去殼大蝦~~~ 努力食啦
我實在太中意食佢地...有佢地已經好開心, 帶子大大隻都有D鮮味~ 鮑魚都好好味
沙律杯仔同凍湯
有魚刺身但我唔食~ 食其他，唔記得刀貝定鳥貝...好爽有D鮮味~ 都食左唔少
自製甜蝦蟹腳壽司~ 正
樣樣試下都飽咖
蒸扇貝D肉就真係太細粒...
個海鮮湯勁鮮味
呀媽已進軍甜品
我繼續努力
泰式沙律
今次呢個咁抵套票要有一位住客係 60歲以上~ 我媽無問題~ 仲預祝埋70歲生日~
好啦~ 到我進軍甜品啦~ 始終佢D甜品都係比較甜...正宗甜品呀嘛~ 哈哈
我真係飽...但點都要食埋佢
仲要嘆埋咖啡...今次杯咖啡好過上次少少...
食後感就係我好滿意，環境舒服...唔太好中式的我係好岩食~ 口味嘅野人人不同
當然如果要我比千幾蚊食...吾...我就真係唔會
返到房仲收到比呀媽生日蛋糕同生日卡~
5星就係向呢D位顯示
房費平左~ 但起碼果生日蛋糕真係無 HEA 你~ 你去買都唔平！仲要咁靚~
我地當然唔會食得落住~ 執下佢果有限雪櫃~ 成功可以放到...今晚先慢慢食啦~
6點半又要食...酒店知你自助餐食得咁飽，所以晚餐安排叫做輕量晚餐~ 其實平時食正常都飽
清清地好味呀~
呢個就真係麻麻地...無咩味...酸又唔酸...甜又唔甜...完全唔入味...
呢個好味~ 又清又滑，真係輕怡啦~
仲有甜品~ 點會唔飽呀~ 都幾好食咖
今次都有法式小甜~ 食完飯收枱先再送來~ 唔係上次咁一次過送
8點幾我地就切埋餅餅食埋佢~ 5星酒店 D朱古力真係整得特別滑~ 真係食得出有分別咖
一夜好眠又到早餐時候~ 今次係向大堂茶座食早餐
大堂茶座都幾夠寧靜~ 正
今次忘記叫朱古力~ 就咁普通叫左杯咖啡
中式早餐~ 話說上次個中式早餐其實比少左杯豆漿~ 不過我地都無問佢...今次有返啦
西式早餐有跟鮮果汁...
我仲要揀埋麥皮~ 真係一肚子飽~ 哈哈，佢賣相好過我之前網上見到果D~ GOOD
今次一樣有乖乖地食晒麵包~ 幾好食呀
揀左法蘭西多士~ 賣相無一百都九十分啦！
我個人覺得十分之好食！又脆又軟~~~ 意外好味!!! 正呀~
今次無四點退房啦~ 遲到盡比我地 一點退房, 食完早餐睇下劇集又訓左陣...
做完豬仔就退房啦~ 今次 STAYCATION 都好滿意...
都係果句 二千幾蚊食左三餐仲訓左晚靚房~ 真係抵晒咖啦~
沒有留言:
張貼留言