第一天06年3月15日台灣大飲大食之旅

羅左幾年既特區護照...06年3月終於羅左啦~ 上網睇過去台灣唔係好貴~ 就去左康泰報團啦~ 
諗都無諗就一個人報左名啦~ 一報就已成團啦~ 咁大個先第一次去旅行同搭飛機...真失禮...

由於我要去機場做台證... 又怕多人...8點過d就到左機場啦...

 新機場開左咁耐都係第一次來...

去到整台證個到...一個人都無羅...5分鐘就整好左啦...

仲有成個鐘先集合咁就去搵早餐食啦~ 食完同周圍行下終於夠鐘搵領隊啦~ 

填好野~整埋行理check in 完就入閘啦...我搭11點半班機...有排都未起飛...
就向入面周圍行下啦~ 去左書店睇下書~ 行下disney! 之後去閘口等上機啦~

  第一次就要搭聲譽唔係太好既華航~

順利上機之後我都好似唔多覺d團友同領隊...自己一個人坐向到等起飛!!~

都有d緊張咖~ 起飛左後見到有harry potter 睇幾開心呀~ 

hk做完都唔係好耐就可以睇多次~ 睇睇下就有野食啦~

第一次食飛機餐! 好簡單既餐...唔難食既~ 但唔係咁咸會好d羅~

食完睇多陣好快就到左台灣啦...我都未睇晒harry potter 就到 ~>_<~

落左機見到個機場比hk 舊好多羅~ 都幾多人排隊過關...去到羅行理到見到領隊啦~ 佢叫去換錢到等啦~ 換好晒錢d人都未齊~ 有個counter 話唔駛錢可以登記羅張電話卡打十分鐘~ 梗係登記啦~

羅完即刻打個電話比媽咪報平安啦~

等齊人就上得車啦~ 一落機就開始我地既行程啦~ 去深坑豆腐街~

3點半到左啦~ 大家有9個字時間自由活動~ 個到都係得一條街~直行就無問題啦~ 

行左一陣就買左碗竽圓糖水 tw$50

食完就繼續搵食~去左食豆腐三味~tw$150

筍好食~ 豆腐羹好食~ 個豆腐窩唔係唔好食但有d大腸味我唔like!

食遠行返出去食好出名串燒臭豆腐! 呢個good 呀!! 聞都無hk個d咁臭~但食落去超滑超好味~

 呢個豆腐腸就mama地啦~ tw$30

 唔好食既茶果物體 tw$30

 又酸又甜既酸梅湯~ 好飲~ tw$30

食飽晒我地就去 101大樓啦~

4點9就去到啦~ 向入面又係自由活動啦~ 見唔係幾好天~我就無上到去睇景~ 
向樓下屈臣氏行下買下野~ 去左sofina買野~睇下其他野~差不多夠鐘啦~ 就上車出發去士林夜士啦~!!!

講好集合地點~ 就自由活動啦~ 我即刻就買杯人人讚好既 苦瓜汁! tw$ 50 係幾好飲咖~

一路飲就一路行去搵我既日劇啦~ 去到士林shopping個邊無咩睇其他野~太似女人街d貨色~ 搵到檔日劇~揀好晒就學人講下價~ 買左 tw$3600啦~ 買完就行返去食野啦~

士林入面好多都係重覆野食既檔口~ 先食左個鐵板燒牛肉~ 
由於驚飽就只係揀左牛肉無食其他野~ 好好食~tw$100

食完就搵喜義火雞肉飯 -ok好食啦~tw$35

食埋柯仔煎 -唔係d 人講得咁差! tw$ 40

呢個係買返酒店食既!! 有d生生地! tw$35

最後買埋個好出名既炸雞扒! tw$ 45! 好好食呀~

8點幾就起程返去今晚第一晚既酒店~ 都幾遠下咖~ 搭左成個鐘車~

9點半到就上房啦~ 我同女領導一間房~ 沖完涼食埋我個甜品十點幾就訓左啦~ !!

第一日既戰利品!!