第二天06年3月16日台灣大飲大食之旅

一早7點鐘起左身啦~ 沖亮! 執好行理! 今晚住第二間酒店!
 落樓下食早餐啦~ 自助式~ 唔算多野食~ 但岩我食~! GOOD!  有豬肉鬆送粥我已經覺得好好啦!!
食飽飽大家就上旅遊巴出發啦! 

今日第一個目的地係中正紀念堂!
今日唔係間酒店咁遠同佢會去九份我一定唔跟羅!! 去呢D地方我真係會悶死...!

一去到導遊就帶我地去睇下將介石架車WOR... 睇完就自由活動一個鐘......
入面唔覺得有咩好睇... 我已經好努力盡量搵野睇咖啦... 10分鐘就行完了...

之後行左上樓上睇下D景! 觀光一下啦...都係用左10分鐘... 仲有40分鐘...
 

我就向等待中渡過啦!! 我坐到10點半等到集合啦!!

下一站忠烈祠...呢到好D 十幾廿分鐘走得啦!! 一去到軍人操緊啦... 呢到好多日本團羅...
我就企向出面等佢地快D睇完...睇完之後就比人賣豬仔去聽珍珠... 一朝早去晒唔想去既地方...

 好辛苦聽佢講完D珍珠史!! 就到重要既環節! 叫人買珍珠末...各團友都好合作! 差不多走晒羅...哈哈!!

上返去等車既時侯! 竟然見到有 BIRKENSTOCK

興高采烈入去睇下啦~ 我自己就無睇岩~ 但好快手同朋友買左對 銅色拖鞋!! 
買完架車岩岩到!出發去九份啦!!2點鐘就到左啦~ 問左導遊邊到搭巴士去基隆~ 簽埋離隊紙我就自己去玩啦~ 沿路睇下D手信舖~睇下有咩好食~ 

就去搵阿柑姨芋圓啦!! 嘩真係要行到好多級樓梯羅...又大級...行到上去勁 支力呀...比左錢入去搵位坐~ 
靚位比人坐晒 LU...無得睇景~算啦~ 轉心食野啦~

果然好好食呀~ 唔會好似禁日食到係生既...好淋身下!! VERY GOOD! TW$40

食完都幾飽就去行下D手信舖買左兩支陶笛!

之後搵間茶坊飲下野~ 睇下景啦~

苿莉奶茶~唔平咖~ TW$160

有本書坐向到睇都幾舒服咖~ 不過坐得耐都有D凍~ 向到坐左幾個字啦~ 就去搵野食啦~

呢到都有串燒臭豆腐! 味同深坑一樣! 但唔滑羅! TW$20

綜合魚丸~ TW$50~ 味道OK啦~ 有D都好鮮甜!

食完呢兩樣都飽啦~ 就去買食得既手信啦~ 買好晒見都唔早啦~ 

就去食埋個牛肉麵啦~其實唔餓咖啦~ 但一場來到一定要食埋先走啦~咁出名!

向HK 我唔食牛腩~ 但呢個真係好食WOR! 湯夠味~D牛腩好淋! 我飽都食晒呀! TW$80

食到咁飽要走啦~ 搭巴士落基隆啦~ 等左一陣就有車啦~

都坐左成50分鐘咖~ 途中 "中"左陣眼訓! 太飽了~ 哈哈!

5點半就到左基隆啦~ 一落車都唔知自己向邊~ 搵個人問下夜市向邊啦~

行左3個字終於行到一條都幾多野食既街啦...但我都其實都唔知呢到係唔係基隆夜市...哈哈!! 

不過見有野食就算啦~

先來一碟燒大蜆!  TW$200 佢都燒得好生下...! 不過唔怕我都食晒LU!!好鮮味~ 有陣咸水味TIM!

花枝丸~ 熱辣辣~又平~ TW$10

呢碟好味道呀!! 即炒咖~  TW$120~

今日都食左唔少野~食完其實都幾飽~ 問埋人火車站向邊就走啦~

路經買左隻鹽水雞比[TW$35]返酒店食~ 幾好食咖~ 唔記得影相~

8 點半就到左松山火車站~ 要去饒河街夜市~ 好多網友都話呢到D野好食~ 
一去到就見到胡椒餅好多人~諗住走先買啦~ 

咁就去左搵十全大保骨~ 要左羊肉!味道好啦~ 唔會好大陣藥材味~ D羊又淋~ VERY GOOD! TW$60

又試左D肉圓~ OK啦~ TW$ 30

行左個圈~ 無野岩買...買左杯苦瓜汁[TW$50]~ 就去排胡椒餅啦~好多人羅~ 排左幾分鐘! 
一羅到個胡椒餅[TW$35]勁熱呀!! 由於無手又唔記得影相就食左啦~... 
真係幾好食咖~ 食埋真係滿足晒啦~ 就去搭火車去台北火車站啦~

去到台北火車站~搵左個妹妹問邊個方向去西門町! 諗住方便搭的士!佢就話好近叫左我搭巴士...我其實係想搭的士羅...佢話同我一齊搭...點知架車多人到我上到佢上唔到...搭左兩個站就到左啦~ 一落左車就見到好熱鬧下~ 但完全唔識路~ 睇左好耐先知自己向邊~ 問人一樂園酒店向邊...有人指錯我路羅...搵左半個鐘先搵到~ 10點到返到酒店啦~ 好順利搵到領導~ 我當然又係同佢一間房啦~ 佢聽日要好早起身就訓左啦~ 我聽日都係自已玩~ 沖完亮睇左陣電視11點幾先訓~

第2日既戰利品~