第一天06年6月14日首爾5日4夜之旅

近來睇完韓劇 宮 同 mygirl 加上其他就幾想去韓國!

加上韓國天氣仲涼就決定去韓國啦~
預先都搵左好多資料咖~
雖然今次都係跟團去~ 但我梗係唔會日日都跟足啦~ 我都預左兩日係自己去玩~
大家都知d韓文同火星文係無分別咖!!
睇韓劇咪學識 [com 沙 呀me打]~
[哈呢呀seyo]~ 上網 print 定d韓文加上中文係必要咖!!!
盪失路打的都要識講啦~
哈哈!!
今次去完之後下次再去我就會自由行~ 因唔係太難~d韓國人幾好人咖! 
想去既朋友做多d功課就無問題啦!! 今次係第二次旅行~ 又係一個人跟團!!
d朋友仔一係就無假一係就去過!有d仲話死都唔去韓國! 咁算啦~
一個人唔駛煩!! 10日到前報名! 新華已成團! 13號晚00.30am既凌晨機!
一早執好晒野啦~ 推埋個o急出舖頭~ 9點收工就向旺角搭機場巴士!
去到機場都只不過9點9... 搵到個領隊~ 今次係男領隊~ 叔叔來咖~ 
整好晒機票就入閘啦~ 仲有太把時間!! 就去行下disney 啦~
仲未收... 醒起未買傘...就向disney 買左把米老鼠縮骨傘...$85真係貴...
好辛苦無無聊聊終於上機...今次架韓亞無獨立電視!
我又唔會訓既~ 

等野食吧啦~ 01.30am有野食啦~
我揀左魚~ 成個餐都幾好食~ 食飽飽都係訓唔到~ 坐向到聽歌聽到落機羅~

凌晨四點幾就到左仁川機場啦~ 首爾我到左啦~

睇韓劇成日見到既機場呀閘口!!

 900won好快就出左閘啦~ 由於我向香港換好晒錢就要定埋其他團友~
一出去就見到有便利店~就入去買盒香蕉奶啦~ 網友話好好飲wor!! 係好飲~ 甜左少少羅~
 等齊人我地就上車出發去汗蒸幕小休一番啦~

好多錢呀~

6點鐘到左啦~ 好多團友都唔敢去沖~ 因要除晒衫去浸~ 我先頭都唔敢咖~
咁我著住衫落去睇下啦~
見唔係好多人!! 一陣仲成日流流長都係沖個亮舒服d!!
羅本手指指書出來買左牙刷~ 洗頭水~ 護髮素~[300won] 除低晒衫去沖涼啦~
咁我未去過以為就咁浸得~咁有個嬸嬸指下個花灑叫我沖身~咁沖完就可以浸啦~
一浸落去都幾舒服咖~有4個池~
浸完呢個浸下第二個~ 唔介意細都游到幾下水咖~ 
向入面玩左成個鍾羅~ 出到來吹頭要比錢... 吹左400won
整好晒就諗住去訓覺室啦...入到去...都唔知邊d比人訓過邊d未比人訓過...

咁就算啦~ 唔訓 lu...去到食野個層搵到個靚位~ 買左個熱狗餐 3500won~
 
食返個靚早餐~ 可能我要求低啦~ 幾好食咖~
 
算幾好精神啦~

食飽飽搵個地下訓左一陣啦~ 9點幾就出發戰爭博物館!
雖然我第一次來韓國但係我對呢d景點真係完全無興趣羅...

向入面行左十分鐘都無我就行返去集合點等集合啦!
85蚊既傘有用啦~ 得第一日落過雨仲要好大羅!!

行完我地就出發去食午餐啦~ 11.15到左食野個到!

今餐係包左咖~唔駛錢係咁上下咖啦~ 食左幾舊肉咁羅~ 唔好食啦~
仲有個石頭窩飯...難食到都費時影!! 好在今朝食左個餐!

經過影低~ 係無食過~
好快就食完啦~ 我地下個地方係coxe mall 我好期待咖~ 因呢到有蛋包飯!!
差少少 一點鐘就到左啦~ 自由活動啦~ 我就立即去搵我個蛋包飯啦~

好順利咁搵到啦~ 個經理好盡力同我溝通! 我就點好左啦~ 6900won!
好好食咖~ 我好喜歡食蛋包飯咖~ d蛋入面仲係半生熟咖~
十分正~個蘿白kimchi 都好好食~ 不過要係咁飲水羅~
食完個飯有仲有d辣見到間食雪糕就入去食!
由於溝通方面既出錯! 我一個人叫左個勁大既雪糕羅!! 呢個雪糕就貴羅~
 

6500won!! 我當然唔會食得晒啦~ 食完佢真係好飽了~
食完去行街街啦~ 無咩野岩~ 來呢到為左食咖咋~
 

李俊基呀! baby!

3點半集合我地就搭車去食晚餐啦~
 
4點半到左食晚餐既地方~ 今餐又係包既~
今餐好過午餐好多~ 起碼食得落口呀! d肉任你食咖~ 

睇韓劇d人用生菜包住d肉加麵"是"醬幾好食咖~
食左一個鐘多d就走得啦~  去我地第一日既酒店~

首先導遊帶我地去super market 介紹下有咩好食~酒店間房係可以煮野食咖~
跟住就分房啦~ 我係一個人住一間!! so good!!! 男領導真好~ 6點鐘就入到我間房啦~
 

 一入到去...呆左羅...
駛唔駛咁大呀...仲要得我一個人訓...入去放好晒野之後就向 super market 買野食啦~
仲有成晚...買d野煮下都要既... 向入面消磨左大半個鐘~ 買左9600won

返到房沖左個亮舖好床就開爐煮野食啦~

海帶湯加餃子~ 幾好食咖~ ! 3000 + 1500won

食埋個香瓜! 2000won 同哈蜜瓜一樣味~
食飽飽執埋d野9點幾就訓左啦!