最後一天啦~ 今日三點幾機! 本來打算自己一個去D未去地方! 真係好多地方都未去呢!
但都同大家一齊去食上一次無食的亞坤! 分開兩架的士去到前幾日來過 TEMPLES商場!
因為呢到有 亞坤 同有 CHARLES & KEITH 又近我地!
一到當然叫左水煮蛋,咖央多, 鮮油咖央多, 由於唔係我比錢我都唔知幾錢呀! 我地叫左幾個SET! 茶+蛋+多士 都好平下!
由於我唔食豉油~ 加D鹽加胡椒就食啦~ 係好滑下! 幾好食!
咖央多! 好脆好好食!
肥D既 鮮油咖央多! 加糖仲好食!
食完其實都飽啦~ 去買兩樽咖央醬 [S$4 樽 ]做手信時發現有雪糕多士!
只不過S$1.6 即刻飽都要食! 我要左榴槤味! 好食! 食完真係飽到上心口了!
食完就去行 CHARLES & KEITH 啦! 因之前有對鞋想買但無碼! 最後係向到買左四對鞋! 有一對送比人! 買完時侯唔早啦~ 我地準備分開走之際開始落雨了! 打消左出去行念頭啦~ 又同大家去返前幾日來過既 PARKWAY PRARADE 繼續 shopping啦!
一去又到見到 CHARLES & KEITH 啦! 買多一對鞋送比人!
之後見到人地炒雪糕! 剛剛炒完影唔到! 下面張相係未炒仲雪緊!
表姑介紹我食呢間榴槤雪糕仲請埋我食真係唔話得! 佢味道係超榴槤~超真啦!
因為佢都有榴槤肉! 表姑話呢間係新加坡最好食!大家一定要試下!
泰國都有既蝴蝶飽! 朋友仔不停係咁話好好食! 但我真係食唔落了!
向到買左d手信!
買埋老曾記咖哩角! 時間無多一齊行去食麵包雞啦!
行左成為10分鐘時差不多到啦! 竟然落大雨! 係真係好大...行一行出去就濕晒! 個時已經1點半啦無咩時間~ 表姑叫我地兩老兩少返屋企先~ 佢買返去屋企!
等左十分鐘終於有的士! 上到車...手, 頭髮, 褲都濕啦!
返到屋企一陣表姑都差不多到...駛唔駛咁快呀!
其實我唔係想呢隻金枕頭! 不過表姑食開係呢隻! 好似係 S$12
包入面有紙包住D咖哩! 白痴既我唔小心剪穿左! 哈! 要用煲裝住D汁同雞!
食完仲要試埋咖哩角...個一刻真係飽到有D想......哈!
食完都成2點2啦! 即刻執好晒野搭的士去機場啦! 好在我地好近機場 CHECK IN 完都係2點8!
張登機證好似買完野D單羅!
過關好快就OK了! 新加坡 BYE BYE啦! 我覺得你絕對唔悶! D野食仲好平! 我回下次返來探你咖!
記得要向到買 綠色圓蛋糕...好似叫香蘭葉蛋糕! [ S$6.9一大個 ]
之前我都唔食! 雪凍又好食咖! 我只係買左一個...早知買多D啦!
又要搭百無JET STAR啦!
唔好見D雲咁靚! 烏雲來咖!
返到香港等行李超耐羅! 四架機一條帶...其他帶又唔出! 都唔算好多野啦!
朋友仔個私人司機車埋我返屋企! 我請佢地去屋企樓下食飯啦!
最後一日都係買得多野D! 買左五對鞋~ 有三對係我既!
我每次去新加坡必去亞坤，他們的kaya toast太正斗了，想起也想吃
回覆刪除[版主回覆12/10/2007 12:35:00]亞坤kaya買左返來仲未食呢!
我同意, 星加坡不是這般悶, 因實在太多嘢食拉
回覆刪除[版主回覆12/10/2007 12:36:00]野食都好平下! 下次去食過!
好多嘢食阿
回覆刪除[版主回覆12/10/2007 12:37:00]最怕你唔食!
很高興來到你的 新加坡旅行網志！ 我是在找人家教我做 類似老曾記 的 咖喱角！ 如果有誰會做 請示教， 感激呢！嘻嘻！
回覆刪除[版主回覆02/20/2009 13:04:00]你好~ 我唔識整~ 不過佢類似平時d角仔~ 不過佢實一點同大一點~
ka 我都岩岩去完星馬玩 我都有買你呢隻香蘭葉蛋糕! 好味! 有d似香港既日式芝士cake果隻濕濕口感~ 又有d香蘭香味! 不過我覺濃d重正! 我重有係呢間店買左幾款 唔同味道既香蘭點品, 口感係香港買到既唔同 比較濕同軟, 哈哈
回覆刪除[版主回覆02/25/2009 10:50:00]我都好想食呀!!! 無人買比我食呀!!!!!!!!!!!!! 我鐘意雪凍先食~ 唔雪我覺得唔好食!
因為我姑姐移民去左SIN..所以我都去過好幾次...次次都食肥幾 磅番嚟..重有買一大堆涼鞋番嚟...因為可能長時間熱天....實在好多涼鞋款式....有一樣妳唔知有無試呢...如果無下次一定要去試呀..叫左蟹米粉 ..真係 10 粒星呀...我下次 send 番相妳睇呀.....
回覆刪除[版主回覆01/15/2010 14:23:00]今次無鞋睇岩...因為我著平底鞋...今次唔多 上次就買左幾對...新加坡機票貴左啦...短時間都無得去 蟹米粉 ..食左啦...飽到無朋友!!! http://hk.myblog.yahoo.com/meteorstones/article?mid=14624