第六天07年10月6日 新加坡吉隆坡食食食之旅!

向吉隆坡 LAST一天~ CHECK OUT完放低個少少行李向酒店! 出發啦~

由於大家都無咩錢啦~ 去左TIME SQUARE 到換錢同行下~ 見D人話都幾多野行... 

11點半去到換左錢先! 大家都餓啦!一上就上左10樓既 FOOD MALL!

佢 FOOD MALL D野都唔係好岩食啦! 全部都烹好晒幾餸飯咁!

落返樓下睇下...向無咩好揀之下揀左呢間! 先叫左個紅毛榴槤野飲!

呢個魚飯同 MENU 相真係完全走晒樣啦...相睇落去都叫正常SIZE...一來到...

嘩! 魚毛來咖...食兩,三下D肉都無晒啦...係個汁幾辣用來送飯...朋友仔又食雞扒飯... 

今餐食左RM31.46 我覺得完全唔得呀! 貴TIM!

食完就去行一下啦~ 無咩好行! 有好多野都好似旺角個D舖咁! 

最後去SUPER MARKET 行左一陣! 朋友仔買左包白咖啡!

呢D手信都好貴下! 當然唔買啦!

見到雪糕就搵下有無榴槤雪糕! 係無既! 不過D雪糕好平啦!

返到香港比呀媽話我D青檸咁平做咩唔買比佢......

行完時間都唔早啦~我地都係去返昨天星光大道個D商場啦!

呢個商場叫 PAVILION 應該係新開! 旅遊書都無介紹! 想買手信! 食野來呢到OK咖啦! 下面有一個好大既SUPER MARKET! 仲有唔少手信舖! 價錢都唔貴! 我地行到成兩點幾時打算走啦! 出面落緊超大雨! 見仲有D時間去搵下野食!

又見到 MADAM KWAN'S 啦! 我想食埋另一隻叻沙就入去食啦!

我叫左咖哩叻沙! 朋友仔叫雲吞羅!

呢個叻沙都好食! 有蝦有其他~ 不過我都係鐘意亞三叻沙多D! 個雲告都好食 

但我要同朋友仔食三隻...食完真係飽到...今餐RM$39.33 個雲吞係貴過我個叻沙羅!

食飽飽行出商場D雨停左啦~ 搭的士返酒店羅野去車站啦!

五點鐘車四點鬆D就到左啦! 個到無冷氣又無咩[登] 比人坐! 

想行下個SUPER MARKET 又要人地方低晒行李先可以入去行...咁梗係唔行啦!

 

  五個鐘車程我訓左一陣又睇左兩套港產片! 落車好順利咁有的士返表姑家!

佢地早我地好多返到新加坡啦~ 仲未返屋企...好彩佢同事向屋唔係我地都無門口入...等左半個鐘先見佢地返來~ 羅左鎖匙我地就決定去文東記食海南雞啦!

上左的士叫司機車我地去書個間東記...佢話好遠咖wor! 

有間近d咁叫佢車我地去啦! 搭左成 S$14的士真係近D個間都咁遠...

一坐底睇MENU啦~ 同書介紹唔同佢D雞半隻一隻計...D普通小菜好貴羅!

我地好CHEAP只係叫半隻雞同兩個飯..D飯來到覺得有D唔對路又醒唔起!

後來記得文東記D飯係金字塔咁咖...好明顯呢間唔係原裝正板文東記啦! 

司機大佬你真係好介紹! 咁講下碟雞啦! 咪就係白切雞淋D甜豉油! 

個雞批咪好滑好食羅...但D雞胸多到咩咁! 唉...山長水遠來到!

 兩次都食唔到好既海南雞! 今餐食左 S$12.2

上左的士本來打算返屋企啦! 問一問近唔近 NEWTON 司機話近咁就去睇下有咩食啦! 

朋友仔好想食燒老虎蝦問左幾檔算問左間最平! 因呢到好多呃錢檔口咖! 

有人試過三隻蝦食左七百幾港幣...我地當然睇多幾檔先啦! 

兩隻大老虎蝦二百幾GRAM S$22 都OK啦! [呀媽都話唔貴]  

好大隻下! D肉都好彈! 正! 總算食過啦!

食完見聽日都走啦~ 都係食多個冰! 今次我終於揀左榴槤味啦! 新加坡吉隆坡都食唔到榴槤! 我地呢個時候係唔當造所以成日都見唔到! 呢個三色冰加埋榴槤醬都係S$2.6! 超平! 個榴槤醬真係超榴槤!! 食榴槤既朋友一定唔好錯過要食呀!!!

食到底有D紅豆, 花生, 粟米但咸咖...無食到! 食完好滿足咁返屋企啦!

返到去仲有一舊隻新鮮榴槤食! 真係唔當造! 甜得來苦! 不過叫做食過啦!

今日吉隆坡買既戰利品! 粉紅色個包叫馬蹄酥 即係新加坡既麥芽酥! 

RM$7有十五個超好食! 又平! 手信最佳選擇!