澳洲11天之第5天07年11月28日

今日6點鐘就起身啦~ 簡簡單單煎脆D麵包飲個牛奶就出發行去碼頭~出海啦~!

朝早七點既街道無人行~無車行~

賭場~ 無去過~ 少少錢都唔想輸! 哈哈

比賭場緊厲害的吸血LV!

行左20分鐘行到去碼頭啦~ 天陰陰!希望唔好落雨啦~

本來唔係想JOIN呢間咖~ 不過後來見佢羅左幾年獎又唔係太貴JOIN了...

仲係天陰陰~ 今日坐一日既船~

有熱茶,咖啡蛋糕仔提供~ 

好甜呢...

揚帆出發啦! 人地架船...哈~  

唔知點解我地個架係唔駛揚帆既呢...

呢個網睇落好舒服...但我真係唔夠膽去訓啦 呢三個係韓國人來咖~
最黑個應該係私人導遊~ 佢係我見最黑既韓國人!

天終於都藍啦~ 無揚帆既帆船~個海都好藍啦~

10點半~ 終於到左今日去既島啦~ Michaelmas Cay 第二間去呢個島要成AU$150 所以先JOIN 呢間~ 佢平好多AU$10X到~ 上網見人地影相D水好鮮藍色所以揀來左呢到啦~

實際上D水都好清好藍~

我同K小姐諗左好耐帶唔帶相機...怕整濕...不過最後都係帶左...唔係點影相呢...

全日最唔滿意真係呢架不知所謂既玻璃船...收AU$15...以為可以座去睇下魚仔同珊瑚...
點知佢用來做駁艇...AU$15 坐左3分鐘到啦...魚都差D見唔到...天呀...

深藍色個D就係珊瑚啦~

向船上借左潛水衣 [AU$6 一日]諗住下午可以試下潛水....頭10分鐘FREE 咖... D水好凍下~

呢個島原來有超多超多海鷗...多到有D驚...

影完相就放好晒D野~ 準備去浮潛...我第一次浮潛好唔慣著對蛙鞋~ 向水到著會比D浪沖上岸...向岸到著又行唔到落水~ 好攪笑~ 攪左一輪習慣用口抖氣時就無問題~

水應該算係好清下啦~ 仲好咸好咸! 見到好多魚仔~彩色魚都有~ 有好多銀色魚仔唔怕人同我一齊游水~珊瑚就當然無深海個D咁多顏色...但有好多~
我諗都OK既~ 游呀~游呀~好快到左12點要上船食飯啦~

剛剛羅好野食就話到我潛水...因得一個鐘食飯...食飯同潛水我都係揀食飯... 向船到識左對上海來既自由行夫婦~ 大家一路傾一路食~

食物貿數只係OK啦...因無咩野食~ 唯有不停咁食蝦啦~

個飯望落好似好好食~ 現場仲好香咖!...點知...酸到呢...係食唔到咖..

 食飽飽等潛水D人返來就開船去下個目的地~睇下魚先~ 

好清楚見佢到游來游去等船員餵佢地食野~ 佢地爭食既速度真係勁!

走啦~ BYE~BYE~

去到目的地係大海來~ 叫 PARADISE REEF 由於一停船就去左浮潛係唔記得影相~
呢到D珊瑚比較大~ 不停咁游左個幾鐘都好 支力 下啦~

三點幾回程返 CAIRNS 啦~ 架船終於揚帆啦~ 不過我覺得佢似用來遮太陽多D! 哈

大家向到晒太陽~ 我同K小姐就同上海太太傾下計啦~ 玩完就要計數啦~ 船費,可樂,潛水衣,玻璃船一共AU$128 係個玻璃船近乎呃錢~總拘我都覺得OK既~

好好天呢~ 同今朝差好遠~

5點啦~ 返到岸啦~

呢隻係唔係鵝呢??

上左岸同上海夫婦BYE BYE後見天仲咁光就去人工沙灘游下水啦~ 聽日要走啦~

今次無放D野去LOCKER 啦~ 游左個幾鐘六點幾~天開始黑就去沖亮啦~ 好凍~ 啦~

沖完亮出來天都黑晒羅~

行過對面就係 NIGHT MARKET 啦~ 行到LAST 一晚先去行...

FOODCOURT D野野食實無 MA MA地~ 好彩我地自己煮野食~

有D餓買左個PENCAKE食...應該日本人開咖~ 整同賣都係日本

PENCAKE~ AU$6.5~

K小姐買左個檸檬泡冰~ D味勁似得力素糖味...

行下D手信舖...呢個NIGHT MARKET 都幾細...無咩行既!

無野行就返APARTMENT 煮埋D野食啦~ 都仲有幾多野食咖! D煙肉卷整定聽日煎~

食埋D牛肉~ 羊架~ 露荀磨菇~ 飽晒啦!

執埋野~ 聽日去布里斯本啦~ 11點到訓啦~