澳洲11天之第六6天07年11月29日

今日早餐唔係我整~ 沖完亮有早餐食啦~ 個飽賣相好過我個d~但係唔脆咖~ 哈哈

買得太多煙肉...食左好多餐啦~ 煙肉卷太飽啦~ 羅上飛機食吧...

食埋d羊肉~ 乳酪~好飽啦~

check out 後...打算搭bus去機場...點知酒店d人話無巴士搭叫我搭的士...
apartment 門口一架的士都無...沿路都無的士...行到商場門口附近見到有的士...
拿拿聲跑啦...點知原來有人排緊隊等的士...一個豪不起眼既的士站...唯有跟人排隊啦~
呢到d的士少得可憐~ 等左十幾分鐘終於有車啦~

去機場唔駛計標司機講 AU$15兩個人

我地10.55機~ 好快CHECK IN 完寄行理~

入到去~以為好快上得機~ 點知 DELAY...11點鬆D先上機~

都係搭維珍~

今次揀到 WINDOW SEAT~ 見到好藍既海~ 超長既沙灘~

到左布里斯本啦~~

買好火車飛出市區啦~ AU$13

放好行埋向 HOSTEL 我地就出發去觀光啦~ 由於間HOSTEL 雙人房真係普通過普通係無影到~ 我地住 WAKE UP HOSTEL~ 向唐人街隔離~

機場張車票可以用兩小時~ 向巴士站研究下搭幾號巴士~ 搭左兩個巴士站出市中心~
唔好浪費呀MA~ 唔係好識路見到 CENTRAL STATION 就落車啦~

首要任務係搵觀光中心報聽日OR 後日去 FRASER ISLAND TOUR...
點知未來一星期都FULL 晒... OH NO!!! 諗住 MORETON  ISLAND 都去啦...又係FULL晒...唉...

D 樹好得意~好粗咖樹幹~

大家都有D餓就搵間餐廳食下野啦~

一個海鮮意粉~

一個檸檬芝士雞意大利飯~ 都幾好食呀~ 一人AU$24
終於見識到澳洲有好多烏蠅一路食一路要趕烏蠅~

食完就行下手信店~ 買左D野~ 就行去搭船睇布里斯本條橋啦~

好大既聖誕樹~

行到去條橋到~就知唔係呢條橋~ 但完全唔知成日出現向相條橋叫咩名...哈哈

咁是但都搭下船啦~唔知搭邊方面~　就決定遊船河啦...　買飛個小姐問去邊...
我搭 I DON'T KNOW...哈哈... AU$5.4

搭左兩,三個站就知搭錯方向啦~ 不過唔緊要啦~ 當遊船過~

由天光搭到天黑~ 呢AU$5.4真係好抵呢~

搭左一個鐘終於回程到上船個站啦~

終於來到目的地了~ STORY BRIDGE~ 我地個方向影唔到佢同D高樓大廈一齊係無咁靚~

不知不覺8點9啦~ 無野做啦~ 行返去 HOSTEL 啦~

今日少少戰利品~ 早D訓啦~