澳洲11天之第7天07年11月30日

整好晒野十點九先出發! 天氣好好呢~

出左 HOSTEL 向左行一會就係唐人街~

向唐人街行過D食過早餐先! 份早餐真係多到呢無可能食得晒! 

AU7.9仲送左杯cappuccino 都幾抵! 一路食一路又要趕烏蠅!

食完行去搭巴士去市政府附近啦~ AU2.3

今日我地出發去搵樹熊啦~~ 向市政府隔離ANN STREET STOP 11搭 445 巴士

如果熟悉佢既分ZONE 方法就可以平D搭埋去 LONE PINE~
平過無上網睇定又要比過車費~ AU2.7

大概九個字就到咖啦~

一點鐘到左 LONE PINE 啦~入場費要AU$20

K小姐好心急第一時間就要去睇樹熊...其他動物完全略過! 哈

  去到影相COUNTER 到已經見到好多隻樹熊啦~ 研究下影邊種就比錢同樹熊影相啦~

我同 K小姐都揀左 大相加 POSTCARD~ AU$25

  第一次抱都有D驚因為呀樹熊爪一爪我~ 嚇親我呢~佢D爪都幾利~ 職員小姐即刻要古嚕古嚕同佢傾計安撫下佢~ 再抱過~ 第二次抱就無野啦~ 覺得佢好重下~ 不過覺得佢唔係好精神咁~ 哈哈

影完相剛好夠鐘介紹樹熊~咁就聽下啦~ 以我既英文水平當然唔會聽得明晒~ 只係聽左呢到咁多隻樹熊都有名咖~ D職員從樹熊耳隻, 身上D花紋, PAT PAT D花紋就可以分別到佢地! 好叻!

樹熊D相可以睇返之前寫既 澳洲樹熊

去買包野食餵袋鼠先~ AU$1包~

行去袋鼠區時~經過D樹熊區~ 佢地比較細隻~ 

呢隻好慘~行來行去行左10分鐘~都唔識搵路上返去...

袋鼠你個樣駛唔駛咁嘆呀!!

我就係影緊佢啦~ 食野食得好快...又多口水~

 BB 同 媽媽出現啦~ 睇住BB行入去~

佢成日都會無聲無息行左去人後面...佢都有返咁上下高~  有D得人驚!

仲有好多好多呢~~~

玩完袋鼠見仲有時間又同樹熊影多次相啦~ 唔知下次幾時先可以影呀 MA~
今次揀左年曆同大相~ AU$30

走時途中見到呢兩條好大既蜥蜴...我地勁驚!! 好彩有第二條路可以行...

5點返到市中心啦~ 搭左D免費觀光巴士去左碼頭~ 先頭張車票仲用得!
我地就去搭船去人工沙灘睇下啦~ 雖然都知佢收左啦~

影完STORY BRIDGE 剛好有船~ 跑啦!!

搭兩個站就到啦~

OH~ 去到見到裝修...好彩禁日無專登來泳水~ 都係CAIRNS 個人工沙灘靚D! 可以對住大海~

行過D仲見到有露天市場~ 又可以行下啦~

呢到D野都~幾靚既同特別~不過唔岩我~ 但都買左條沙灘褲同短褲~ 好貴呀...AU$50...

行完大家都餓啦~睇下附近D餐廳望下餐牌~ 揀左呢間有海鮮既餐廳食飯!

叫好野食...K小姐話好大風...去買D野圍下頸...我就無無聊聊等野食啦!

我地叫左個二人海鮮盤...一來到嚇死我啦! 勁大! D炸魚多到呢...

仲叫多左個 蝦芝士焗飯拼沙律~ 個飯好好食又多汁又多芝士~ D蝦好好味~~ 好彈牙!

本來想叫生蠔見海鮮盤有就無叫...點知係好細隻~ 不過味道都好鮮同咸~ 蝦就好大隻啦~
基本上個海鮮盤係無可能食晒...D魚太多啦~ 尤魚圈都好好食~ 生果就食晒

成為AU$51.4都OKAY啦~ 唔係好貴!

食完行回頭個 MARKET 仲向到~7點半都未收...好難得呀~

先頭買左兩條褲檔口~ 仲見到隻黑色 史納莎

BRISBANE 夜景~ 無腳架又怕趺左相機落海...唯有見到石搏啦!

搭船去返對面 AU$2.3 QUEEN STREET MALL附近好多人同聖誕樹影相~

好難先搵到位影相咖!

今日明明唔係星期四都仲有好多SHOP開緊~ 無野做行多次手信店睇下仲有無野岩啦~

行左去市政府影張夜照~

我比較實際~ 無用既記念品都係影低算啦~ 哈哈

行遠就搭巴士返 HOSTEL 啦~  唔好浪費張車票! 聽日去GOLD COAST啦!!

今日既少少戰利品啦~