澳洲11天之第2天07年11月25日PART-1

今日整好晒出發都差不多11點啦~ 今日好好天氣!

經過7-11買定野飲去 FISH MARKET! 個到D野飲幾貴咖! 買左盒大牛奶 AU$1.63

今日第一站又係 FISH MARKET啦!

食左昨天未食的串燒蝦同魚~ AU$6 食左一打生帶子 AU$18 個蝦真係十個好食! 一定要食!

 

 

 

 

 食飽飽就去行下FISH MARKET 入面既 蔬果MARKET! 

入面D生果係我11日澳洲入面見過最靚同差不多最平! 好想買個芒果食咖...

但又怕羅一日好重...來呢到目的主要格定價 LAST 一日買D芒果返香港!

D蘋果隻隻令立立! D生果都無爛咖~

好大隻既青檸! 都應該幾平既大磨姑好...呀媽話我做咩唔買返去...

呢D椒呀媽都話我做咩唔買返去...佢真係當我係香港行街市...!

我地今日係買左 DAY PASS AU$8.5 可以搭到凌晨5點咖!

好快到左下個目的地啦~ PADDY'S MARKET! 本來係無打算來呢到~ 不過坐車經過時見到好多人去~ 就去睇下啦~ 買左PASS 唔好浪費! 呢到好多野買咖! 

不過好多野香港都有啦~ 但都有唔少手信舖檔口!

好多乾果~ 想買乾奇異果! 諗住LAST 一日先買!

入面都有個街市...但同先頭向 FISH MARKET 見既質數差好多!

最想買就係呢兩樣...諗住 LAST一日先買! D番梘係見過最平同D香味好真下!  

另外D木木頭筆仔好得意~ 我好鐘意呢D木頭公仔! AU$2 枝

好啦~ 講下D失敗經驗啦! 由於一向無打算來呢到...以為佢係日日都開! 

點不知呢個 PADDY'S MARKET只係開星期四至日 我 LAST個日係星期二!!! 

我一樣都買唔到!! 無諗過佢咁大棟野唔係日日開...激死我啦!!

 差不多兩點啦~ 我地要去埋 星期六,日先開既 THE ROCKS MARKET

向 CENTRAL搭火車去返昨晚 CIRCULAR QUAY STATION AU$3.6來回~

 

一落車又見到 HOURBOUR BRIDGE 啦~

向返昨天位置影返張日景照先!